حیفا پر حزب اللہ کے حملوں کے بارے میں صیہونی اخبار کا اظہار خیال

?️ 23 ستمبر 2024

سچ خبریں: صہیونی ذرائع کے مطابق، اسلامی مزاحمتی تنظیم حزب اللہ کے میزائل حملوں کے پھیلاؤ سے اسرائیلی حلقوں میں شدید خوف و ہراس پھیل چکا ہے، جبکہ مقبوضہ شمالی فلسطین میں ڈرون حملے کے خدشے کے باعث خطرے کے سائرن بجنے لگے ہیں۔

العہد نیوز ایجسنی کی رپورٹ کے مطابق، اسرائیلی میڈیا نے حزب اللہ کے میزائل حملوں کے پھیلاؤ کی تصدیق کی ہے، اسرائیلی اخبار ہارٹیز نے لکھا کہ معاملات بدل چکے ہیں ، حیفا کا علاقہ اور اس سے بھی جنوبی علاقے حزب اللہ کی زد میں آ چکے ہیں۔

یہ بھی پڑھیں: کچھ حزب اللہ کے فادی 1 اور فادی 2 میزائلوں کے بارے میں

اس کے ساتھ ہی اسرائیلی میڈیا نے رپورٹ دی ہے کہ حزب اللہ کے ڈرونز کی داخل ہونے کے بعد مسکاف عام، المنارہ، مرگلیوت اور اصبع الجلیل کی یہودی بستیوں میں خطرے کے سائرن سنائی دیے گئے۔

فلسطینی مزاحمتی گروہوں کی جانب سے شروع کی گئی طوفان الاقصی کارروائی کے بعد، حزب اللہ نے شمالی فلسطین میں صہیونی فوجیوں کو مشغول رکھنے اور غزہ میں مزاحمتی گروہوں پر دباؤ کم کرنے کے لیے روزانہ کی بنیاد پر بھاری حملے شروع کیے ہیں۔

مزید پڑھیں: ہمارے اوپر راکٹوں اور میزائلوں کی بارش ہوئی:صیہونی فوج

اسی سلسلے میں، اسرائیلی میڈیا کئی بار اعتراف کر چکا ہے کہ حزب اللہ شمالی مقبوضہ فلسطین میں واضح برتری رکھتا ہے اور اسرائیلی فوج اس علاقے میں پھنس چکی ہے۔