امریکی سفارتکاروں کی تحریر الشام کے رہنماؤں سے ملاقات

?️ 21 دسمبر 2024

سچ خبریں:امریکی وزارت خارجہ نے اعلان کیا ہے کہ ان کے اعلیٰ سطحی سفارتکاروں نے دمشق میں دہشت گرد تنظیم ہیئت تحریر الشام کے رہنماؤں سے ملاقات کی ہے۔

روئٹرز نیوز ایجنسی کی رپورٹ کے مطابق، امریکی وزارت خارجہ کے ترجمان نے تصدیق کی کہ اس ملک کے کے اعلیٰ سطحی سفارتکاروں نے شام پر قابض دہشت گرد تنظیم ہیئت تحریر الشام کے رہنماؤں سے ملاقات کی ہے۔

یہ بھی پڑھیں: تحریر الشام کی اپنی شبیہہ بہتر بنانے کی ناکام کوشش

واضح رہے کہ یہ ملاقات واشنگٹن اور شام کی نئی حکومت کے درمیان پہلا باضابطہ اور براہِ راست رابطہ ہے۔

امریکی وفد میں مشرق وسطیٰ کے امور کی اعلیٰ سفارتکار باربارا لیف، امریکی صدر کے ایلچی برائے اسیران راجر کارسٹنز، اور شام کے ساتھ امریکی تعاملات کی قیادت کے ذمہ دار، سینئر مشیر ڈینیئل روبنسٹائن شامل ہیں۔

یہ دورہ ایسے وقت میں کیا گیا ہے جب مغربی ممالک اور حکومتیں دہشت گرد تنظیم ہیئت تحریر الشام اور اس کے رہنما ابومحمد الجولانی کے ساتھ تعلقات قائم کرنے کے لیے اپنی کوششوں کو بڑھا رہی ہیں۔

واضح رہے کہ 8 دسمبر کو مسلح باغیوں اور ہیئت تحریر الشام نے دہشت گردانہ کارروائیوں کے بعد دمشق پر قبضہ کر لیے جس کے نتیجے میں سابق صدر بشار الاسد روس میں پناہ لینے پر مجبور ہوئے۔

مزید پڑھیں: شام کے علاقے جولان پر صیہونی قبضے کے بارے میں روس کا ردعمل

10 دسمبر کو محمد البشیر کو عبوری وزیر اعظم کے طور پر ملک کے امور سنبھالنے کی ذمہ داری دی گئی۔