دو ریاستی حل،  مسئلۂ فلسطین سے غداری ہے: الحوثی

?️ 23 ستمبر 2025

سچ خبریں:یمن کی اعلیٰ سیاسی کونسل کے رکن محمد علی الحوثی نے کہا ہے کہ فلسطین۔اسرائیل کے نام پر تجویز کردہ دو ریاستی حل دراصل مسئلۂ فلسطین سے خیانت کے مترادف ہے، کیونکہ اس میں صہیونی ریاست کو تسلیم کرنے اور مقبوضہ اراضی کو ہتھیانے کی بات شامل ہے۔

یہ بھی پڑھیں:دنیا فلسطین کو ریاست تسلیم کر رہی ہے، یہ عمل اب ناقابلِ واپسی ہے

عرب میڈیا  کی رپورٹ کے مطابق یمن کی اعلیٰ سیاسی کونسل کے رکن محمد علی الحوثی نے عرب اور اسلامی ممالک خصوصاً سعودی عرب سے مطالبہ کیا کہ دو ریاستی حل کو ایک نمائشی اقدام یا صلح کے نام پر اسرائیل کے ساتھ سمجھوتے کا راستہ ہموار نہ کیا جائے۔

مزید پڑھیں:ایک اور یورپی ملک نے آزاد فلسطینی ریاست کو تسلیم کر لیا

اس سے قبل انصاراللہ یمن کے سربراہ سید عبدالملک بدرالدین الحوثی نے بھی کہا تھا کہ بعض یورپی ممالک کی جانب سے فلسطین کو تسلیم کرنے کا اعلان صرف ایک علامتی قدم ہے، جس کا اسرائیلی جرائم اور فلسطینی عوام کے خلاف جاری نسل کشی پر کوئی عملی اثر نہیں پڑے گا۔