دنیا

ترکی کے صدر کا ایک بار پھر اسرائیل کے خلاف زبانی جمع خرچ

12
اپریل

?️ 12 اپریل 2025

سچ خبریں:ترک صدر رجب طیب اردوغان نے انٹالیہ میں ڈپلومیٹک فورم کے اجلاس سے خطاب کرتے ہوئے صہیونی ریاست کو ایک دہشت گرد ریاست قرار دیتے ہوئے کہا کہ یہ روز بروز زیادہ بے شرمی سے جرائم کا ارتکاب کر رہی ہے۔

یہ بھی پڑھیں:اسرائیل اور ترکی کے درمیان تعلقات میں بڑی پیش رفت

المیادین نیوز چینل کی رپورٹ کے مطابق، ترک صدر نے زور دے کر کہا کہ جب تک اسرائیل اپنے جرائم جاری رکھے گا اور جنگ بندی کی کوششوں کو کمزور کرتا رہے گا، غزہ پٹی میں پائیدار امن کا حصول انتہائی مشکل ہوگا۔

انہوں نے چوتھے انٹالیہ ڈپلومیٹک فورم کے افتتاحی اجلاس میں اسرائیل کو "دہشت گرد ریاست” قرار دیتے ہوئے کہا کہ اس کے لیے کوئی اور اصطلاح استعمال نہیں کی جا سکتی۔

اردوغان نے کہا کہ ڈیڑھ سال سے اسرائیل تمام انسانی حقوق اور بین الاقوامی قوانین کو نظرانداز کرتے ہوئے فلسطینی عوام کے خلاف نسل کشی کر رہا ہے،انہوں نے کہا کہ اسرائیلی قتل عام پر خاموشی ان جرائم

انہوں نے واضح کیا کہ کسی کو بھی فلسطینیوں کو دہشت گرد کہنے کا حق نہیں ہے، انہوں نے کہا کہ فلسطینیوں کے لیے ایک آزاد اور خودمختار ریاست کے قیام کے بغیر مشرق وسطیٰ میں امن ممکن نہیں۔

ترک صدر نے اسرائیل کی شام اور لبنان پر جارحیتوں کا بھی حوالہ دیتے ہوئے کہا کہ یہ ریاست خطے میں بحران کا باعث بن چکی ہے۔

انہوں نے نشاندہی کی کہ دنیا سلامتی کونسل کے پانچ مستقل اراکین سے بڑی ہے، کیونکہ انسانیت صرف ان چند ممالک تک محدود نہیں۔

Short Link

Copied