یوکرین جنگ کے بارے میں ٹرمپ کا بیان

سچ خبریں:امریکی صدر ڈونلڈ ٹرمپ نے برطانوی وزیر اعظم کیئر سٹارمر کے ساتھ ملاقات کے بعد کہا کہ یوکرین میں جنگ کا خاتمہ ان کی اولین ترجیحات میں شامل ہے اور اس سلسلے میں پیش رفت ہو رہی ہے۔

الجزیرہ نیوز چینل کی رپورٹ کے مطابق، برطانوی وزیر اعظم واشنگٹن کے دورے کے دوران وائٹ ہاؤس میں ٹرمپ سے ملے، جہاں دونوں رہنماؤں نے مشترکہ پریس کانفرنس کی۔

یہ بھی پڑھیں: یوکرین کے لیے فیصلہ کن دن؛ پیرس اور ریاض اجلاس میں سفارتی شطرنج

ٹرمپ نے کہا کہ امریکہ اور برطانیہ کے تعلقات مضبوط ہیں، اور واشنگٹن ان میں مزید گہرائی لانے کے لیے پرعزم ہے،انہوں نے بادشاہ چارلس سوم کی دعوت قبول کر لی ہے اور جلد لندن کا دورہ کریں گے۔

ٹرمپ نے یوکرین جنگ پر بات کرتے ہوئے کہا کہ ہم یوکرین میں جنگ روکنے کے لیے سخت محنت کر رہے ہیں اور اس میں کافی حد تک پیش رفت ہوئی ہے۔

یوکرینی صدر زلنسکی کے دورہ واشنگٹن سے امن کے امکانات مزید مضبوط ہوں گے،یوکرین میں امریکی مفادات میں معدنی وسائل تک رسائی بھی شامل ہے،یورپ کی یوکرین کو امداد قرض کی صورت میں ہے، جب کہ بائیڈن انتظامیہ نے غیر مشروط مالی مدد دی تھی۔

ٹرمپ نے کہا کہ ہم یوکرین میں ایک تاریخی امن معاہدہ چاہتے ہیں تاکہ مشرقی یورپ میں مستقبل میں کسی نئی جنگ کو روکا جا سکے۔

دونوں فریقین سے بات چیت کے بعد امن کی راہ ہموار ہو رہی ہے،امریکہ اس بات کو یقینی بنانا چاہتا ہے کہ روسی صدر ولادیمیر پوتن دوبارہ جنگ نہ چھیڑیں۔

ٹرمپ نے ایک بار پھر اسرائیل کے لیے غیر متزلزل حمایت کا اعادہ کرتے ہوئے کہا کہ وہ اسرائیلی قیدیوں کی رہائی کے لیے مسلسل کوشش کر رہے ہیں اور کسی کو بے یار و مددگار نہیں چھوڑیں گے۔

مزید پڑھیں:امریکہ کے نو منتخب صدر یوکرین میں جنگ ختم کرنے کے لیے تیار

برطانوی وزیر اعظم کیئر سٹارمر نے کہا کہ وہ یوکرین جنگ کے خاتمے کے لیے ٹرمپ کی کوششوں کا خیرمقدم کرتے ہیں،امریکہ کو اس بات کی ضمانت دینی چاہیے کہ روس دوبارہ جنگ نہ چھیڑے،برطانیہ یوکرین کی حمایت میں پہلے سے زیادہ پرعزم ہے۔