ٹرمپ کا میکرون کو ازدواجی مشورہ

سچ خبریں:ڈونلڈ ٹرمپ نے ویتنام میں فرانسیسی صدر میکرون کو بیوی کے تھپڑ مارنے کی ویڈیو پر دلچسپ تبصرہ کرتے ہوئے کہا کہ بس یہ دیکھ لیں کہ دروازہ بند ہے!

امریکہ کے صدر ڈونلڈ ٹرمپ نے فرانسیسی صدر ایمانوئل میکرون اور ان کی اہلیہ بریژیت کے درمیان ویتنام میں پیش آئے ایک متنازع واقعے پر ردعمل دیتے ہوئے دلچسپ مشورہ دیا ہے۔

امریکی نشریاتی ادارے یو ایس اے ٹوڈےکی رپورٹ کے مطابق، واقعہ اس وقت منظر عام پر آیا جب ویتنام پہنچنے کے فوراً بعد ہوائی جہاز سے نکلتے وقت ایمانوئل میکرون کو ان کی اہلیہ بریژیت نے مبینہ طور پر تھپڑ رسید کیا، اس لمحے کی ویڈیو سوشل میڈیا پر تیزی سے وائرل ہوئی، جس نے انٹرنیٹ صارفین کو حیرت میں ڈال دیا۔

یہ بھی پڑھیں:فرانسیسیوں نے میکرون کو بے وقعت اور جھوٹا صدر قرار دیا

اس معاملے پر تبصرہ کرتے ہوئے، ڈونلڈ ٹرمپ نے صحافی کے سوال کا جواب دیتے ہوئے ہنستے ہوئے کہا کہ بس یہ یقینی بنائیں کہ (ہوائی جہاز کا) دروازہ بند ہے!

ٹرمپ نے اس واقعے کی اہمیت کو کم کرتے ہوئے مزید کہا کہ میکرون بالکل ٹھیک ہیں۔ وہ دونوں ٹھیک ہیں، وہ واقعی اچھے لوگ ہیں اور میں انہیں اچھی طرح جانتا ہوں!

دوسری جانب فرانسیسی صدر میکرون نے اس ویڈیو پر سامنے آنے والی چہ مگوئیوں کو بے معنی قرار دیا اور دعویٰ کیا کہ یہ ان کے اور ان کی اہلیہ کے درمیان قریبی تعلقات اور مزاحیہ انداز کو ظاہر کرتا ہے۔

مزید پڑھیں:فرانس کے صدر ایمانوئیل میکرون کو بھرے مجمع میں شرمندگی کا سامنا کرنا پڑگیا

تاہم، سوشل میڈیا صارفین نے اس واقعے کے بعد میکرون کی کی خاموش اور حیران کن کیفیت کو نوٹ کرتے ہوئے سوال اٹھائے ہیں، ویڈیو میں واضح طور پر دیکھا جا سکتا ہے کہ تھپڑ کے بعد میکرون کی نظریں براہ راست کیمرے کی طرف جاتی ہیں، جو اس پورے واقعے کو ریکارڈ کر رہا تھا۔ اس منظر نے عوامی تاثر میں شک و شبہات پیدا کر دیے ہیں۔