ایران کے خلاف جنگ شروع کرنے پر ٹرمپ کو عہدے سے ہٹایا جائے؛ امریکی سینیٹر کا مطالبہ

?️ 8 اپریل 2026

سچ خبریں:امریکی سینیٹر ایڈ مارکی نے ایران کے خلاف جنگ شروع کرنے پر صدر ڈونلڈ ٹرمپ کے مواخذے کا مطالبہ کرتے ہوئے کہا ہے کہ انہوں نے جنگی جرم کا ارتکاب کیا ہے اور کانگریس کو فوری کارروائی کرنی چاہیے۔

امریکی کانگریس کے ایک سینیٹر نے ایران کے خلاف جنگ شروع کرنے پر صدر ڈونلڈ ٹرمپ کو عہدے سے ہٹانے کا مطالبہ کیا ہے۔

امریکی کانگریس کے ڈیموکریٹ سینیٹر ایڈ مارکی نے ایران کے بنیادی ڈھانچے اور عوام کے خلاف دھمکیوں سے پیچھے ہٹنے اور جنگ بندی کے اعلان پر ردعمل دیتے ہوئے سماجی رابطے کے پلیٹ فارم ایکس پر لکھا:

میں ایران کے ساتھ جنگ بندی کے معاہدے کی خبر سے خوش ہوں، لیکن حقیقت یہ ہے کہ ہمیں اس غیر قانونی جنگ میں سرے سے شامل ہی نہیں ہونا چاہیے تھا۔

ڈیموکریٹ سینیٹر نے اس بات پر زور دیا کہ ایران کے خلاف جنگ کے دوران ٹرمپ نے جنگی جرم کا ارتکاب کیا ہے۔

انہوں نے مزید کہا کہ صدر اتنی آسانی سے جنگی جرم کی دھمکی نہیں دے سکتے اور پھر کسی بھی طرح جوابدہ نہ ہوں، کانگریس کو چاہیے کہ وہ جلد از جلد اجلاس بلائے تاکہ اس جنگ کو ختم کیا جا سکے اور انہیں عہدے سے ہٹایا جا سکے۔