صیہونی آبادکاروں کا تشدد شرمناک، نئی پابندیاں ضروری: فرانسیسی وزیر خارجہ

?️ 2 ستمبر 2026

سچ خبریں:فرانس کے وزیر خارجہ ژاں نوئل بارو نے مغربی کنارے میں صیہونی آبادکاروں کے تشدد کو شرمناک قرار دیتے ہوئے یورپی یونین سے فلسطینی علاقوں میں صیہونی آبادکاروں کے ساتھ تجارت روکنے اور نئی پابندیاں عائد کرنے کا مطالبہ کیا۔

فرانس کے وزیر خارجہ ژاں نوئل بارو نے یورپی یونین سے مطالبہ کیا ہے کہ وہ مقبوضہ فلسطینی علاقوں میں صیہونی آبادکاروں کے ساتھ تجارت روک دے۔

شفق نیوز کی روپورٹ کے مطابق ژاں نوئل بارو نے کہا کہ مغربی کنارے میں صیہونی آبادکاروں کا تشدد نئی پابندیوں کا متقاضی ہے۔

انہوں نے صیہونی آبادکاروں کے اس تشدد کو ’’شرمناک اور قابل نفرت‘‘ قرار دیا۔

فرانسیسی وزیر خارجہ نے مزید کہا کہ صیہونی بستیوں کے خلاف بھی اسی نوعیت کی پابندیاں عائد کی جانی چاہئیں جیسی پابندیاں کریمیا کے حوالے سے نافذ کی گئی ہیں۔