ایران امریکہ مذاکرات کے بارے میں امریکی حکام کے بیان کی حیثیت؛نامور امریکی صحافی کی زبانی

سچ خبریں:ممتاز امریکی صحافی اور خارجہ پالیسی کی ماہر نے ایران امریکہ مذاکرات کے بارے میں امریکی حکام کے متضاد بیانات پر تنقید کرتے ہوئے کہا کہ امریکہ کے ایران سے متعلق جوہری مذاکرات کے حوالے سے سرکاری بیانات کو سنجیدگی سے لینا درست نہیں۔

یہ بھی پڑھیں:ایران نے امریکہ کو بالواسطہ مذاکرات کی تجویز کیوں دی؟

ممتاز امریکی صحافی اور خارجہ پالیسی کی ماہر لورا روزن نے کہا ہے کہ امریکہ کے ایران سے متعلق جوہری مذاکرات کے حوالے سے سرکاری بیانات کو سنجیدگی سے لینا درست نہیں، کیونکہ حقیقی مذاکرات عوامی سطح پر نہیں ہوتے۔

روزن نے یہ بیان، سابق امریکی قومی سلامتی کونسل کے رکن اور جوہری عدم پھیلاؤ کے سابق ڈائریکٹر اریک بروئر کے سوشل میڈیا تبصرے کے تناظر میں دیا۔

بروئر نے کہا تھا کہ اگر امریکی مذاکرات کار اسٹیو وِٹکاف نے گزشتہ ہفتے عمان میں ایران کو یہ عندیہ دیا تھا کہ امریکہ یورینیم افزودگی کے مکمل خاتمے کا مطالبہ نہیں کرے گا، مگر اب وہی مطالبہ پیش کیا جا رہا ہے تو ممکن ہے کہ دوسری ملاقات بہت مختصر ہو۔

روزن نے جواباً کہا کہ مجھے نہیں معلوم کہ یہ بات کہنا فائدہ مند ہے یا نہیں، لیکن چونکہ کسی کو نہیں پتا کہ موجودہ امریکی حکومت کیا کر رہی ہے، اس لیے آج وزارتِ خارجہ کے ترجمان کی باتوں سے یہی تاثر ملتا ہے کہ امریکہ کے عوامی سطح پر دیے گئے مؤقف کو سنجیدہ نہ لیا جائے۔

امریکی وزارت خارجہ کی ترجمان تمی بروس نے اسٹیو وٹکاف کے اس بیان کے برعکس بات کی کہ ایران کو یورینیم افزودگی اور اسلحہ سازی مکمل طور پر بند کرنی چاہیے،بروس نے وضاحت کی کہ کچھ بیانات جو مخصوص لمحوں میں دیے جاتے ہیں، وہ مذاکرات کا براہِ راست حصہ نہیں ہوتے، کوئی بھی عوام کے سامنے مذاکرات نہیں کرتا۔ ہمیشہ ہمیں انتظار کرنا پڑتا ہے کہ پس پردہ کیا طے پاتا ہے۔

اسٹیو وٹکاف، جو صدر ٹرمپ کے مشرق وسطیٰ کے لیے خصوصی ایلچی ہیں، نے دعویٰ کیا کہ کسی بھی معاہدے کا مطلب یہ ہونا چاہیے کہ ایران اپنے یورینیم افزودگی اور اسلحہ سازی کے پروگرامز کو ختم کرے دنیا کے لیے یہ اہم ہے کہ ہم ایران کے ساتھ ایک مضبوط، منصفانہ اور پائیدار معاہدہ کریں، جیسا کہ صدر ٹرمپ چاہتے ہیں۔

مزید پڑھیں:ایران امریکہ مذاکرات؛ 4 چیزوں پر ٹرمپ کا اتفاق

انہوں نے مزید کہا کہ کوئی بھی حتمی معاہدہ مشرق وسطیٰ میں امن، استحکام اور خوشحالی کے لیے بنیاد بننا چاہیے۔