صیہونیوں کی غزہ اور لبنان میں نسل کشی کا انسانیت پر اثر:عراقی سیاستدان

14 اکتوبر 2024

سچ خبریں: عراق کی قومی حکمت پارٹی کے سربراہ نے کہا کہ صہیونی حکومت کی نسل کشی خطے اور دنیا کو تباہ کن خطرات سے دوچار کر رہی ہے۔

عراق کی قومی حکمت کے سربراہ سید عمار حکیم نے برائے کمی واقع ہونے والی قدرتی آفات کے اثرات میں کمی کے عالمی یوم پر اپنے ایک بیان میں کہا کہ اسرائیلی قابض حکومت کی جانب سے غزہ اور لبنان میں کی جانے والی نسل کشی اور اجتماعی قتل عام نے انسانیت، معاشروں اور ماحولیات کو نشانہ بنایا ہے۔

یہ بھی پڑھیں: اسرائیل ایک سال سے غزہ میں نسل کشی کر رہا ہے : امیر قطر

انہوں نے مزید کہا کہ اس کے ساتھ ساتھ صہیونی حکومت کی جانب سے وسیع پیمانے پر تباہی پھیلانے والے ہتھیاروں کے استعمال کے نتائج موجودہ اور مستقبل میں خطے اور دنیا کے لیے سنگین خطرات پیدا کر رہے ہیں۔

حکیم نے اس بات پر زور دیا کہ اس معاملہ میں عالمی برادری کو میدان میں آنا چاہیے تاکہ جنگ کو روکنے اور اسرائیلی حکومت کی جارحیت کے نتیجے میں پیش آنے والی تباہیوں کی تعمیر نو کے لیے ضروری اقدامات کیے جا سکیں۔

مزید پڑھیں: صیہونی غزہ اور لبنان کے خلاف اتنی درندگی کا مظاہرہ کیوں کر رہے ہیں؟

واضح رہے کہ گزشتہ ایک سال سے صیہونی بے گناہ فلسطینی بچوں اور خواتین کا قتل عام کر رہے ہیں لیکن ابھی تک عالمی برادری نے اس سلسلہ میں کوئی رد عمل نہیں دیکھایا ہے بلکہ خاموش تماشائی بنی ہوئی ہے جس سے صیہونی قابضین کو مزید وحشی پن کرنے کی جرئت ہوتی ہے۔