لبنان بنے کا صیہونیوں کا قبرستان:حزب اللہ

?️ 5 اکتوبر 2024

سچ خبریں: حزب اللہ کی سیاسی کونسل کے نائب صدر نے اعلان کیا ہے کہ یہ تحریک دشمن صہیونیوں کو تباہ کرنے کے لیے پوری طرح تیار ہے۔

الجزیرہ نیوز چینل کی رپورٹ کے مطابق دنیا کے معروف ترین اسٹریٹجسٹ، جان مرشایمر کا ماننا ہے کہ حزب اللہ کے اعلیٰ رہنماؤں کے قتل کے باوجود اس تنظیم کی جنگی صلاحیت میں کوئی کمی نہیں آئی۔

یہ بھی پڑھیں: نصراللہ کا قتل حزب اللہ کی تحریک کو روک نہیں سکتا

انہوں نے کہا کہ صہیونی ریاست حزب اللہ کو ختم کرنے کی صلاحیت نہیں رکھتی، اس کے علاوہ، علاقے میں مزاحمتی محاذ سے وابستہ ممالک ایک دوسرے کی بھرپور حمایت کر رہے ہیں۔

حزب اللہ کی سیاسی کونسل کے نائب صدر محمود قماطی نے الجزیرہ کے ساتھ گفتگو میں اعلان کیا کہ ہمارے میزائل اب مقبوضہ علاقوں کی 150 کلومیٹر گہرائی تک پہنچ چکے ہیں اور ہمارے مجاہدین مسلسل ان میزائلوں کو دشمن صہیونی ریاست پر داغ رہے ہیں۔

محمود قماطی نے کہا کہ ہم زمینی محاذ پر بھی صہیونی فوج پر برتری رکھتے ہیں اور دشمن کے خلاف مزید پیشروی کے لیے تیار ہیں۔

صہیونی دشمن کو یہ سمجھ لینا چاہیے کہ وہ لبنان کے جس بھی علاقے میں داخل ہوگا، وہ جگہ اس کے فوجیوں اور ٹینکوں کا قبرستان بن جائے گی۔

محمود قماطی نے ایرانی وزیر خارجہ عباس عراقچی کے بیروت کے دورے کا حوالہ دیتے ہوئے کہا کہ عراقچی ہمارے پاس آئے اور اس بات کی تصدیق کی کہ ایران مکمل طور پر لبنان کے عوام کے ساتھ کھڑا ہے۔

مزید پڑھیں: کیا حزب اللہ اپنی پوری طاقت کے ساتھ اسرائیل سے لڑ رہی ہے؟

قماطی نے مزید کہا کہ ہم اس وقت جنگ میں مصروف ہیں اور دشمن کی گولہ باری کے دوران کسی قسم کے مذاکرات میں شامل نہیں ہوں گے، جب صہیونی ریاست اپنی جارحیت ختم کرے گی، تب ہی ہم مذاکرات کے حوالے سے اپنے موقف کا اعلان کریں گے۔