شامی تنظیم کا اس ملک کی عبوری حکومت پر سنگین الزام

سچ خبریں:شام کے صوبۂ سویدا کی سب سے بڑی عسکری جماعت رجال الکرامہ نے شامی عبوری حکومت کو خونریز کشیدگیوں کا اصل ذمہ دار قرار دیا ہے۔ بیان میں کہا گیا کہ دمشق-سویدا راستے پر سکیورٹی کی دانستہ غفلت اور شہریوں پر حملوں نے اس بحران کو جنم دیا۔

شامی صوبۂ سویدا صوبے کی سب سے بڑی مسلح دروزی جماعت رجال الکرامہ نے ایک اہم بیان جاری کرتے ہوئے شامی عبوری حکومت کو صوبے میں جاری کشیدہ اور خونریز صورتحال کا براہِ راست ذمہ دار قرار دیا ہے۔

یہ بھی پڑھیں: الجولانی کا نئی کابینہ تشکیل دینے کا اعلان

رپورٹ کے مطابق، رجال الکرامہ نے اپنے بیان میں کہا کہ اس کشیدگی کی جڑیں شامی عبوری حکومت کی دانستہ غفلت میں پیوست ہیں، جس نے دمشق سے سویدا جانے والی اہم شاہراہ کی سکیورٹی میں ناکامی کا مظاہرہ کیا اور اس راستے پر شہریوں کے خلاف بار بار ہونے والے حملوں کو نظرانداز کیا۔

تنظیم نے خبردار کیا کہ  سویدا میں جو سنگین کشیدگی رونما ہو رہی ہے وہ پورے ملک کے امن و استحکام کے لیے خطرہ بن سکتی ہے اور ممکنہ طور پر افراتفری کو جنم دے گی۔

رجال الکرامہ نے مزید کہا کہ خود کا دفاع کرنا ایک ناقابلِ انکار اصول ہے۔ ہم نے عوام کے تحفظ کے لیے، نہ کہ انتقام کے لیے، عمومی سطح پر رضاکارانہ بسیج کا اعلان کیا ہے۔

رپورٹ کے مطابق، جنوبی شام کے صوبہ سویدا میں شامی عبوری حکومت کے حمایت یافتہ قبائل اور مقامی دروزی گروہوں کے درمیان مسلح تصادم نے نیا مرحلہ اختیار کر لیا ہے۔ دونوں فریقوں کے حامی ملک کے دیگر علاقوں سے جمع ہو کر میدانِ جنگ میں آ چکے ہیں۔

اس وقت تک جھڑپوں میں 21 افراد ہلاک اور 80 سے زائد زخمی ہو چکے ہیں۔

یہ پہلا موقع نہیں جب دروزی برادری اور جولانی کے وفادار عناصر کے مابین جھڑپیں ہوئی ہوں۔

اس سے قبل دمشق کے نواحی علاقے جامانا میں بھی دروزی مسلح گروہوں اور جولانی کے وفاداروں کے درمیان شدید جھڑپوں کی خبریں موصول ہوئی تھیں۔

باخبر ذرائع کا کہنا ہے کہ اسرائیلی حکومت کی جانب سے دروزی برادری کو شامی حکومت کے خلاف اُکسانا اور ان کی پشت پناہی کرنے کے اعلان نے موجودہ کشیدگی کو بڑھا دیا۔

مزید پڑھیں: فرانس میں الجولانی کے خلاف مقدمہ؛ شامی عوام کی عزتِ نفس کی بحالی کا موقع

نتیجتاً، دروزی گروہوں اور جولانی کے حامی عناصر کے درمیان جامانا میں مسلح تصادم کی شدت میں اضافہ دیکھنے میں آیا۔