ایران کا مسئلہ حل کرنا بہت آسان ہے؛ٹرمپ کا دعویٰ 

سچ خبریں:امریکی صدر نے نئی بیان بازی کرتے ہوئے ایران پر تنقید کی اور اس ملک سے جوہری ہتھیاروں سے دستبرداری کا مطالبہ کیا۔

الجزیرہ نیوز چینل کی رپورٹ کے مطابق امریکی صدر ڈونلڈ ٹرمپ نے ایک بار پھر ایران کے خلاف سخت بیانات دیتے ہوئے دعویٰ کیا ہے کہ وہ ایران کا مسئلہ باآسانی حل کر سکتے ہیں اور یہ ان کے لیے ایک تقریباً آسان کام ہے۔

یہ بھی پڑھیں:ایران نے امریکہ کو بالواسطہ مذاکرات کی تجویز کیوں دی؟

ٹرمپ نے پیر کے روز اپنے بیان میں کہا کہ میں ایران کے مسئلے کو حل کر دوں گا، اور یہ کوئی مشکل بات نہیں ہے۔

اپنی روایتی جارحانہ زبان استعمال کرتے ہوئے ٹرمپ نے مزید کہا کہ ایران معاہدہ کرنا چاہتا ہے، لیکن وہ نہیں جانتے کہ کس طرح آگے بڑھیں۔

ٹرمپ نے بین الاقوامی ایٹمی توانائی ایجنسی (IAEA) کی جانب سے ایرانی جوہری پروگرام کو پرامن قرار دیے جانے کو نظرانداز کرتے ہوئے کہا کہ تہران کو جوہری بم بنانے کے خواب ترک کرنے چاہییں۔ ہم ہفتے کے روز ایرانی نمائندوں سے ملاقات کریں گے، لیکن یہ بہت زیادہ وقت ہے۔ ایران کو جوہری ہتھیار حاصل کرنے کی اجازت نہیں دی جا سکتی!

امریکی صدر نے واضح الفاظ میں کہا کہ اگر ایران اپنی روش پر قائم رہا، تو ہمیں اس کے جوہری تنصیبات کو نشانہ بنانا پڑ سکتا ہے۔

ٹرمپ نے امریکی سفارتی حکمتِ عملی پر طنز کرتے ہوئے کہا کہ ایرانی ہمیں چکر دے رہے ہیں کیونکہ وہ ماضی میں امریکہ میں موجود احمقوں سے ڈیل کرنے کے عادی ہو چکے ہیں۔

ٹرمپ نے اپنی بات سمیٹتے ہوئے کہا کہ ایران ایک عظیم ملک بن سکتا ہے، مگر ایٹمی ہتھیاروں کے بغیر۔