آیت اللہ سیستانی کی نظر میں سید حسن نصراللہ

?️ 29 ستمبر 2024

سچ خبریں: آیت اللہ سیستانی کے دفتر نے صیہونی حکومت کے ہاتھوں حزب اللہ کے سکریٹری جنرل سید حسن نصراللہ کی شہادت پر ایک بیان جاری کیا۔

عراقی خبر رساں ایجنسی کے مطابق آیت اللہ سیستانی نے ایک بیان میں سید حسن نصراللہ کی شہادت پر گہرے دکھ اور افسوس کا اظہار کرتے ہوئے تعزیت پیش کی۔

یہ بھی پڑھیں: امریکہ سید حسن نصراللہ کی شہادت پر خوش ہے یا ناراض؟

بیان میں کہا گیا کہ ہمیں شدید افسوس کے ساتھ یہ خبر موصول ہوئی کہ مجاہد عالم دین حجت الاسلام والمسلمین سید حسن نصراللہ اور لبنان کی شریف مزاحمتی تحریک کے کئی برادران اور بے گناہ شہری صیہونی دشمن کی فوج کے المناک حملے میں بیروت کے ضاحیہ علاقے میں شہید ہو گئے ہیں۔

آیت اللہ سیستانی نے شہید نصراللہ کو حالیہ دہائیوں میں قیادت کا بے مثال نمونہ قرار دیتے ہوئے کہا کہ انہوں نے صیہونی قابضین کے خلاف فتح اور اپنی سرزمین کی آزادی کے لیے نمایاں کردار ادا کیا اور عراق کے عوام کو داعش کے دہشت گردوں سے آزادی دلانے میں مدد فراہم کی۔

انہوں نے فلسطین کے مظلوم عوام کی مدد کے لیے بھی نمایاں موقف اختیار کیا، یہاں تک کہ اپنی قیمتی جان اس راہ میں قربان کر دی۔

مزید پڑھیں: سید حسن نصراللہ کی شہادت سے خطے میں عدم استحکام مزید بڑھے گا، پاکستان

آیت اللہ سیستانی نے اس عظیم سانحے پر لبنان اور دیگر مظلوم قوموں کو تعزیت پیش کی اور خداوند متعال سے دعا کی کہ وہ اس عظیم شہید کی روح کو اپنی وسیع رحمت میں جگہ دے اور انہیں اپنے برگزیدہ اولیاء، حضرت محمد مصطفیؐ اور اہل بیت کے ساتھ محشور فرمائے۔