اب فیصلہ روس کے ہاتھ میں ہے؛ٹرمپ کا یوکرین جنگ پر تبصرہ

?️ 13 مارچ 2025

سچ خبریں:امریکی صدر ڈونلڈ ٹرمپ کا کہنا ہے کہ یوکرین جنگ میں جنگ بندی کے حوالے سے مثبت اشارے موصول ہوئے ہیں اور اب فیصلہ روس کے ہاتھ ہے۔

یہ بھی پڑھیں:وائٹ ہاؤس میں زلنسکی کی تحقیر؛ امریکہ نے یوکرین کو کیسے جنگ کے دلدل میں دھکیلا؟

الجزیرہ نیوز چینل کی رپورٹ کے مطابق، امریکی صدر ڈونلڈ ٹرمپ نے بدھ کے روز اعلان کیا کہ یوکرین جنگ میں جنگ بندی کے حوالے سے مثبت اشارے موصول ہوئے ہیں اور اب فیصلہ روس کے ہاتھ ہے۔

ٹرمپ نے کہا کہ ہم نے جنگ بندی کے حوالے سے مثبت پیغامات حاصل کیے ہیں اور اب ہم روس سے جواب کے منتظر ہیں۔ ہم نے اپنے نمائندے ماسکو بھیجے ہیں اور امید ہے کہ ہم کسی معاہدے تک پہنچ سکتے ہیں۔

ان کا کہنا تھا، اگر روس جنگ بندیپر راضی ہو جاتا ہے تو جنگ کا 80 فیصد خونریزی والا مرحلہ ختم ہو جائے گا۔

امریکی صدر نے کہا، یورپی یونین نے ہمارے ساتھ سخت رویہ اختیار کیا ہے اور ہمارے کاروباروں کے خلاف شکایات درج کی ہیں۔ اب وقت آ گیا ہے کہ ہم انہیں وہی سلوک واپس کریں۔

ٹرمپ نے مزید کہا، جس طرح یورپی یونین نے ہم پر محصولات لگائے، ہم بھی اسی شرح سے ان پر محصولات عائد کریں گے۔

ٹرمپ نے انکشاف کیا کہ ابھی تک میں نے روسی صدر ولادیمیر پیوٹن سے بات نہیں کی ہے، لیکن امید ہے کہ جنگ بندیکے لیے کسی دباؤ کی ضرورت نہیں پڑے گی۔

ان کا کہنا تھا، ہم روس سے فوری جنگ بندیکے معاہدے کی منظوری کے منتظر ہیں اور امید کرتے ہیں کہ یہ دباؤ ڈالے بغیر ممکن ہو گا۔

امریکی اور یوکرینی وفود کے حالیہ مذاکرات میں 30 روزہ عبوری جنگ بندی پر اتفاق ہوا ہے، لیکن روس کی حتمی منظوری باقی ہے۔

روسی وزارت خارجہ نے عندیہ دیا ہے کہ ماسکو آنے والے دنوں میں امریکہ کے ساتھ رابطہ کر سکتا ہے، تاہم کسی معاہدے پر پہنچنے میں ابھی وقت لگ سکتا ہے۔

اگر روسی قیادت اس پیشکش کو قبول کر لے تو یہ یوکرین جنگ کے خاتمے کی طرف پہلا اہم قدم ہو سکتا ہے۔

Short Link

Copied