نیتن یاہو یوکرین بحران سے فائدہ اٹھا رہا ہے:سابق صیہونی وزیر اعظم   

سچ خبریں:سابق صیہونی وزیر اعظم ایہود باراک نے بنیامین نیتن یاہو پر الزام عائد کیا ہے کہ وہ امریکہ کو دھوکہ دے رہا ہے اور مغربی دنیا کی یوکرین جنگ میں مصروفیت سے ناجائز فائدہ اٹھا رہا ہے۔  

الجزیرہ نیوز چینل کی رپورٹ کے مطابق سابق صیہونی وزیر اعظم ایہود باراک نے کہا کہ بنیامین نیتن یاہو کی تمام پالیسیاں اپنی حکومت کو بچانے اور اقتدار کو طول دینے کے لیے ہیں۔

یہ بھی پڑھیں:قیدیوں کے تبادلے کے دوسرے مرحلے کے بارے میں صیہونی باشندوں کا اظہار خیال

انہوں نے خبردار کیا کہ اسرائیل کو ڈونلڈ ٹرمپ کے ممکنہ رویے میں تبدیلی کے خدشے کو سنجیدگی سے لینا چاہیے، جیسا کہ یوکرینی صدر زلنسکی کے معاملے میں دیکھنے میں آیا تھا۔

درایں اثنا اسرائیلی اپوزیشن رہنما یائیر لاپید نے بھی حکومت پر عدم منصوبہ بندی اور بدنظمی کا الزام عائد کرتے ہوئے کہا کہ قیدیوں کا تبادلہ رک چکا ہے، غزہ کے لیے امداد معطل ہو چکی ہے،قابض حکومت نے 400000 ریزرو فوجی متحرک کر دیے ہیں لیکن مقصد کیا ہے؟ کیا حکومت نے قیدیوں کو چھوڑ دینے کا فیصلہ کر لیا ہے؟ اگر ایسا ہے تو کیوں؟ کیا کوئی اس سے بڑا مقصد ہے؟

مزید پڑھیں: قیدیوں کے تبادلے کے دوسرے مرحلے کی تازی ترین صورتحال

دریں اثنا، اسرائیلی فوج نے آج صبح سے غزہ پر بمباری کی اور امدادی سامان کی ترسیل کو روکنے کی کوشش کی ہے، صیہونی ذرائع کا کہنا ہے کہ ان حملوں اور امداد کو روکنے کے فیصلے میں امریکی حکام کے ساتھ مکمل ہم آہنگی موجود تھی۔