اسرائیلی دہشت گرد فوج کی جانب سے بھیڑ بکریوں کی چوری کا سلسلہ جاری، جنوبی لبنان سے درجنوں بکریاں چوری کرلیں

?️ 1 اگست 2021

بیروت (سچ خبریں)  اسرائیلی دہشت گرد فوج کی جانب سے بھیڑ بکریوں کی چوری کا سلسلہ جاری ہے اور اب جنوبی لبنان سے اسرائیلی فوج نے درجنوں بھیڑ بکریاں چوری کرلی ہیں۔

لبنان کی سرکاری خبر رساں ایجنسی این این ای نے اطلاع دی ہے کہ اسرائیلی فورسز نے شیبا شہر (جنوبی لبنان) سے ایک چرواہے کی 100 بکریاں چرا لیں اور انہیں مقبوضہ فلسطین لے گئے۔

لبنانی میڈیا نے گذشتہ اتوار کو اطلاع دی تھی کہ اسرائیلی فوج پہلے ہی لبنان کے اندر سے 500 بکریوں کا ایک بڑا ریوڑ چوری کر کے مقبوضہ علاقوں میں منتقل کر چکی ہے۔

لبنان کی قومی میڈیا نیوز ایجنسی کے مطابق، صہیونی حکومت کی قابض افواج نے 500 بکریوں کو اغوا کیا اور الصمقہ کے مغرب میں کفر شوبا میں ایک چرواہے کو گولی مارنے کے بعد انہیں مقبوضہ علاقوں میں لے گئے۔

واضح رہے کہ پچھلے سال بھی صہیونی فوج  نے لبنانی سرزمین پر واقع کفر شوبا سرحدی علاقے کے بستارہ محلے میں ایک لبنانی چرواہے کو اغوا کر لیا اور مقبوضہ فلسطین میں لے گئی لیکن جب بیروت نے چرواہے کے اغوا کے بارے میں صیہونی حکومت سے شکایت کی تو صہیونی فوج نے اس کی رہائی کا اعلان کردیا۔