اسرائیل حماس کو شکست نہیں دے سکتا: سابق صیہونی وزیر جنگ

سچ خبریں:صیہونی اور سابق عہدیداروں نے ایک کے بعد دیگرے ایسے بیانات دیے ہیں جن سے یہ حقیقت کھل کر سامنے آ رہی ہے کہ صہیونی ریاست حماس کو شکست نہیں دے سکتی اور غزہ جنگ کا کوئی عسکری حل نہیں رہا۔

سابق وزیر جنگ آویگدور لیبرمن نے الجزیرہ کو دیے گئے انٹرویو میں کہا کہ جو حکومت 20 مہینے میں حماس کو ختم نہیں کر سکی، وہ 17 سال مزید بھی کوشش کرے تو بھی کامیاب نہیں ہوگی، انہوں نے نیتن یاہو کابینہ کو ناکام قرار دیا اور اعتراف کیا کہ اس وقت امریکہ اور اسرائیل کے تعلقات تاریخ کے بدترین مرحلے سے گزر رہے ہیں۔

یہ بھی پڑھیں:حماس کے پاس جنگ جاری رکھنے کے لیے باقاعدہ حکمت عملی

سابق اسرائیلی وزیراعظم ایہود اولمرٹ نے یروشلم پوسٹ کے ساتھ گفتگو میں کہا کہ غزہ فلسطینیوں کا شہر ہے اور اسے فلسطینی ریاست کا حصہ ہونا چاہیے،انہوں نے زور دیا کہ جنگ فوری روکی جائے،اسرائیلی اسیر واپس لائے جائیں،فلسطینی قیدی رہا کیے جائیں

سابق کمانڈر اورن سلومون نے انکشاف کیا کہ،حماس کے کمانڈرز کی ٹارگٹ کلنگ بے اثر رہی ہے، فوراً نئے لوگ ان کی جگہ آ گئے،حماس نے فوجی گاڑیوں کی پیچھے نصب کیمروں سے بم دھماکوں کی ٹائمنگ اور مقامات کو درست طریقے سے ہم آہنگ کیا، ان کی ضدزره ٹیکنالوجی بحال ہو چکی ہے۔

مزید پڑھیں:کیا اسرائیل کے پاس حماس کو تباہ کرنے کی طاقت نہیں ہے ؟

یہ اعترافات اس بات کی علامت ہیں کہ اسرائیل نہ صرف جنگی میدان میں پیچھے ہٹ رہا ہے بلکہ اس کی داخلی سیاسی و عسکری صفوں میں شکست کا احساس غالب آ چکا ہے،اسرائیلی حکام اب خود غزہ سے انخلاء اور امن معاہدے کی بات کرنے لگے ہیں ایک واضح اشارہ کہ حماس نے اس جنگ کو دفاعی برتری سے نفسیاتی جنگ میں تبدیل کر دیا ہے۔