ایران کی کامیابی؛ موساد کے سربراہ کی برکناری کا امکان، اسنادِ تل آویو ایران کے ہاتھ

سچ خبریں:ایران نے اسرائیل کی خفیہ ایٹمی و اسٹریٹجک اسناد حاصل کر لیں، اس انکشاف کے بعد موساد کے سربراہ کی برکناری ممکن ہے۔ 

مقبوضہ فلسطینِ میں عرب نیوز چینل المیادین کے دفتر کے ڈائریکٹر ناصر اللحام نے انکشاف کیا ہے کہ ایران کی جانب سے صہیونی حکومت کی اسٹریٹجک دستاویزات تک رسائی حاصل کرنا، اسرائیلی انٹیلیجنس نظام کے لیے ایک بڑا دھچکا ہے اور اس کے ممکنہ نتائج میں موساد کے سربراہ کی برطرفی بھی شامل ہو سکتی ہے۔

یہ بھی پڑھیں:استقامتی محاذ کے نشانے پر سب سے حساس صیہونی مراکز

ناصر اللحام نے ہفتے کے روز اپنے ایک انٹرویو میں کہا کہ ایران کی ایک وسیع مقدار میں اسرائیل کی اسٹریٹجک اسناد تک رسائی خود اسرائیل کے لیے ایک زلزلہ انگیز واقعہ ہے، اس اقدام کے نتیجے میں موساد کے سربراہ کو بھی عہدے سے ہٹایا جا سکتا ہے۔

انہوں نے مزید کہا کہ صہیونی تجزیہ کار اس بات کو بخوبی سمجھتے ہیں کہ ایران کا یہ قدم 2018 میں موساد کے ذریعے ایرانی جوہری آرکائیوز کی چوری کا جواب ہے۔

اللحام نے واضح کیا کہ ابھی تک صیہونی حکام کو اس بات کا صحیح اندازہ نہیں کہ انہوں نے کتنی اور کون سی معلومات کھو دی ہیں۔

ذرائع کے مطابق، ایران کے انٹیلیجنس ادارے نے صہیونی حکومت کے حساس ترین اور خفیہ اسٹریٹجک منصوبوں، بالخصوص ایٹمی تنصیبات سے متعلق ہزاروں دستاویزات تک رسائی حاصل کر لی ہے۔

باخبر ذرائع نے مزید بتایا کہ اگرچہ یہ آپریشن کچھ عرصہ قبل مکمل ہوا تھا، مگر دستاویزات کی بھاری مقدار اور ان کی مکمل طور پر محفوظ منتقلی کی ضرورت کی وجہ سے اس خبر کو اس وقت تک پوشیدہ رکھا گیا جب تک یہ یقینی نہ ہو گیا کہ تمام مواد محفوظ مقامات تک پہنچ چکا ہے۔

مزید پڑھیں:نیتن یاہو کی طوفان الاقصی کی تحقیقات روکنے کی کوشش

ذرائع کا کہنا ہے کہ اسناد کی اتنی بڑی تعداد ہے کہ صرف ان کے جائزے، تصاویر اور ویڈیوز کے مشاہدے میں ہی کافی وقت صرف ہو چکا ہے۔