دنیا میں صرف میں ہی ہوں جو پیوٹن کو روک سکتا ہوں!:ٹرمپ  

سچ خبریں:امریکی صدر ڈونلڈ ٹرمپ نے ایک بار پھر اپنے مخصوص انداز میں بڑا دعویٰ کرتے ہوئے کہا ہے کہ دنیا میں واحد شخص جو روسی صدر ولادیمیر پیوٹن کو روک سکتا ہے، وہ میں ہوں! ان کا یہ بیان ایسے وقت میں سامنے آیا ہے جب روس-یوکرین جنگ کے خاتمے کی سفارتی کوششیں دوبارہ شروع ہو چکی ہیں۔

یہ بھی پڑھیں:وائٹ ہاؤس میں زلنسکی کی تحقیر؛ امریکہ نے یوکرین کو کیسے جنگ کے دلدل میں دھکیلا؟  

الجزیرہ نیوز چینل کی رپورٹ کے مطابق امریکی صدر ڈونلڈ  ٹرمپ نے اتوار کے روز ایک عوامی خطاب میں کہا کہ میری پیوٹن اور زیلنسکی دونوں کے ساتھ اچھی دوستی ہے، اگر میں اس قتل و غارت کو روک سکوں، تو یہ بہت بڑی بات ہوگی۔

انہوں نے دعویٰ کیا کہ میں پیوٹن کو بہت اچھی طرح جانتا ہوں، ہم نے یوکرین کے معاملے پر بہت سنجیدہ بات چیت کی ہے اور میرا مقصد یہ ہے کہ یہ جنگ رکے اور دونوں جانب کے فوجیوں کی ہلاکتیں ختم ہوں۔

یہ بیان ایسے وقت پر دیا گیا ہے جب امریکہ اور روس دونوں نے حالیہ ریاض مذاکرات پر جزوی اطمینان کا اظہار کیا ہے، ان مذاکرات کا مقصد روس-یوکرین جنگ کے خاتمے کے لیے مشترکہ سفارتی راستہ تلاش کرنا ہے۔

ٹرمپ کا یہ دعویٰ کوئی نئی بات نہیں، وہ اس سے قبل بھی متعدد بار کہہ چکے ہیں کہ اگر وہ صدر ہوتے تو روس یوکرین پر حملہ نہ کرتا، اور جنگ کا آغاز ہی نہ ہوتا، ان کا یہ کہنا کہ صرف وہی پوتین کو روک سکتے ہیں، دراصل ان کے 2024 کے صدارتی انتخابی مہم کا حصہ بھی بن چکا ہے۔

مزید پڑھیں:امریکہ اور یورپ کے درمیان عدم اعتماد کی خلیج؛ ٹرمپ اتحادیوں کو کیوں کمتر سمجھتے ہیں؟  

ٹرمپ کے اس بیان نے ایک بار پھر امریکی سیاسی منظرنامے اور بین الاقوامی تعلقات پر بحث چھیڑ دی ہے، تجزیہ کاروں کا ماننا ہے کہ یہ دعویٰ جہاں انتخابی سیاست کا حصہ ہے، وہیں ٹرمپ کی روسی صدر کے ساتھ ماضی کی قریبی روابط کو بھی نمایاں کرتا ہے، اب دیکھنا یہ ہے کہ آیا ان کے اس بیانیے کا عالمی سفارت کاری پر کوئی اثر پڑتا ہے یا نہیں۔