ایرانی سپریم لیڈر شہید علی خامنہ ای کی تشییع جنازہ ایران کا ٹرمپ کے لیے ایک چیلنجنگ سیاسی پیغام: سی این این

?️ 3 جولائی 2026

سچ خبریں:امریکی نشریاتی ادارے سی این این نے اپنی رپورٹ میں اعتراف کیا ہے کہ آیت اللہ علی خامنہ ای کی عظیم الشان تشییع جنازہ کے ذریعے ایران، ڈونلڈ ٹرمپ کو ایک اہم اور چیلنجنگ سیاسی پیغام دے رہا ہے، جبکہ اس تقریب میں سو سے زائد ممالک کے وفود شریک ہوں گے۔

المیادین کے مطابق، امریکی نشریاتی ادارے سی این این نے اپنی ایک رپورٹ میں اعتراف کیا ہے کہ ایران اس ملک کے شہید رہبر آیت اللہ علی خامنہ ای کی عظیم الشان تشییع جنازہ کے انعقاد کے ذریعے ڈونلڈ ٹرمپ کو ایک چیلنجنگ پیغام دے رہا ہے۔

امریکی ذرائع ابلاغ کی جانب سے شہید رہبر انقلاب کی پُرجوش اور تاریخی تشییع جنازہ کی اثر انگیزی کا اعتراف ایسے وقت میں سامنے آیا ہے جب تازہ ترین اعداد و شمار کے مطابق اس تقریب میں شرکت کے لیے کم از کم 100 ممالک سے سرکاری وفود، اہم شخصیات اور عوامی نمائندہ گروہ روانہ کیے جا رہے ہیں۔

ایران کی وزارت خارجہ کے ترجمان اسماعیل بقائی نے اس خبر کی تصدیق کرتے ہوئے کہا کہ ہمسایہ ممالک کی جانب سے بھی اعلیٰ سطح کے وفود تشییع جنازہ میں شرکت کے لیے ایران پہنچیں گے۔

بقائی کے مطابق اس تقریب میں کم از کم 8 سربراہان حکومت، جن میں صدور اور وزرائے اعظم شامل ہیں، جبکہ 12 پارلیمانی سربراہان بھی شرکت کریں گے۔