سابق صیہونی وزیر جنگ کی عوام سے نیتن یاہو کابینہ کے خلاف سڑکوں پر نکلنے کی اپیل  

سچ خبریں:صیہونی ریاست کے سابق وزیر جنگ موشے یعلون نے نیتن یاہو حکومت کو اسرائیل کی تاریخ کا سب سے بڑا بحران قرار دیتے ہوئے مقبوضہ علاقوں میں رہنے والے صیہونیوں سے مطالبہ کیا ہے کہ وہ اس حکومت کے خلاف سڑکوں پر نکلیں اور احتجاج کریں۔  

یہ بھی پڑھیں:اسرائیل کو تاریخ کی بدترین سماجی دو قطبی صورتحال کا سامنا 

فلسطینی خبررساں ایجنسی شہاب کی رپورٹ سابق صیہونی وزیر جنگ یعلون نے زور دے کر کہا کہ اگر اسرائیل کو اس بحران سے نکالنا ہے تو کابینہ کو بدلنا ہوگا، اور اس کا واحد راستہ عوامی مظاہرے ہیں،یعلون نے انکشاف کیا کہ ایتمار بن گویر کی کابینہ میں واپسی کی شرط غزا میں دوبارہ جنگ شروع کرنا تھی، جس کا قیدیوں کی رہائی سے کوئی تعلق نہیں۔

یہ پہلا موقع نہیں کہ سابق صیہونی حکام نے نیتن یاہو حکومت کے خلاف عوامی تحریک چلانے کی اپیل کی ہو،ایک روز قبل ہی صیہونی جماعت ڈیموکریٹس کے رہنما نے بھی سول نافرمانی اور ملک گیر ہڑتال کی کال دی تھی۔

غزا پٹی میں موجود اسرائیلی قیدیوں کے اہل خانہ کی انجمن نے ایک بیان میں نتانیاہو کی پالیسیوں پر شدید تنقید کرتے ہوئے کہا:

ہم نے ماضی میں بھی دیکھا ہے کہ فوجی دباؤ سے قیدیوں کی رہائی ممکن نہیں ہوتی، بلکہ اس سے قیدیوں کی زندگی کو شدید خطرہ لاحق ہو جاتا ہے۔

بیان میں مطالبہ کیا گیا کہ نیتن یاہو حکومت فوری طور پر فوجی کارروائیوں کو بند کرے اور تمام 59 باقی ماندہ قیدیوں کو ایک ہی مرحلے میں رہا کرنے کی کوشش کرے، نہ کہ مرحلہ وار۔

مزید پڑھیں:اسرائیل کو تاریخ کی بدترین سماجی دو قطبی صورتحال کا سامنا 

یہ صورتحال ظاہر کرتی ہے کہ اسرائیل کے اندر سیاسی تقسیم، عوامی بےچینی اور حکومت پر عدم اعتماد میں مسلسل اضافہ ہو رہا ہے،نیتن یاہو کی کابینہ، جو اب بھی اندرونی اور بیرونی محاذوں پر شدید تنقید کا شکار ہے، ایک بڑے سیاسی بحران کی دہلیز پر کھڑی ہے۔