نیتن یاہو اور موساد و شاباک کے سربراہان کے درمیان غیر معمولی کشیدگی

سچ خبریں:صہیونی میڈیا نے بنیامین نیتن یاہواور اسرائیلی جاسوس اداروں موساد اور شاباک کے سربراہان کے درمیان بڑھتے ہوئے تناؤ کے غیر معمولی سطح تک پہنچنے کی خبر دی ہے۔

الجزیرہ نیوز چینل کی رپورٹ کے مطابق، اسرائیلی ٹی وی چینل 13 نے اطلاع دی ہے کہ اسرائیلی وزیراعظم بنیامین نیتن یاہو اور اسرائیل کے جاسوس اداروں کے سربراہان کے درمیان کشیدگی میں غیر معمولی اضافہ ہو گیا ہے۔

یہ بھی پڑھیں: شاباک کے سربراہ بھی ہوئے نیتن یاہو کے خلاف 

رپورٹ کے مطابق، نیتن یاہو کا دفتر اب حساس سیکیورٹی تنازعات پر بات چیت کر رہا ہے لیکن اس میں شاباک اور موساد کے سربراہ رونین بار اور دیوڈ بارنیاع کو مدعو نہیں کیا جا رہا۔

اسرائیلی ٹی وی چینل 13 نے یہ بھی رپورٹ دی کہ صیہونی حکومت کے قانونی مشیر گالی بہاراف میارا اور اسرائیلی وزیر خارجہ گدعون ساعر کے درمیان غزہ سے فلسطینیوں کو نکالنے پر مبنی ٹرمپ کے منصوبے  کے بارے میں شدید اختلافات پیدا ہو گئے ہیں۔

رپورٹ کے مطابق صیہونی کابینہ کے قانونی مشیر نے ٹرمپ کے منصوبے کے لیے قانونی حکم تیار کرنے اور اس معاملے پر باقاعدہ اجلاسوں کی ضرورت پر زور دیا ہے۔

مزید پڑھیں:نیتن یاہو اور گانٹز کے درمیان تعلقات پہلے سے زیادہ نازک مرحلے میں

اس کے برعکس، وزیر خارجہ ساعر نے کابینہ کے قانونی مشیر پر حملہ کیا اور کہا کہ کابینہ کے وزیروں کو ان کی ہدایات کی ضرورت نہیں ہے۔