ترک شہری کی فلسطین میں ہلاکت ؛ ترکی کے صدر کا ردعمل

🗓️ 7 ستمبر 2024

سچ خبریں: ترکی کے صدر رجب طیب اردگان نے فلسطین میں ایک ترک-امریکی شہری کی ہلاکت پر اسرائیلی جارحیت کی مذمت کی ہے۔

ترکی کے صدر رجب طیب اردگان نے اپنے سوشل میڈیا پیغام میں لکھا کہ میں مغربی کنارے کے قبضے کے خلاف پرامن مظاہروں پر اسرائیل کی وحشیانہ مداخلت کی سخت الفاظ میں مذمت کرتا ہوں اور اپنے شہری عائشہ نور ازگی ایگی کے لیے مغفرت کی دعا کرتا ہوں، جو اس واقعے میں جان سے ہاتھ دھو بیٹھی۔ اللہ ان پر اپنی رحمت نازل فرمائے۔

یہ بھی پڑھیں: امریکہ نہیں چاہتا کہ غزہ میں خونریزی ختم ہو

اردگان نے مزید کہا کہ ترکی کی حیثیت سے ہم ہر سطح پر اسرائیل کی اس جارحانہ اور نسل کش پالیسی کو ختم کرنے کے لیے اپنی کوششیں جاری رکھیں گے، جو تقریباً ایک سال سے جاری ہے اور جس میں بچوں، بزرگوں اور نوجوانوں سمیت 41 ہزار افراد کو شہید کیا جا چکا ہے، اسرائیل کو انسانیت کے خلاف اپنے جرائم کا قانونی طور پر جواب دینا ہوگا۔

مزید پڑھیں: رفح میں صیہونی جرائم پر امریکی سفیر کا اظہار خیال

یاد رہے کہ جمعے کے روز ایک ترک نژاد امریکی شہری، عائشہ نور ازگی ایگی، جو مغربی کنارے میں قابض اسرائیلی افواج کے خلاف ایک احتجاج میں شریک تھیں، صہیونی فوج کے ہاتھوں سر پر گولی لگنے کے نتیجے میں جاں بحق ہو گئیں۔