برطانیہ کا ایران مخالف اشتعال انگیز بیان  

سچ خبریں:برطانوی وزیر خارجہ ڈیوڈ لیمی نے ایران کے خلاف ایک سخت گیر اور اشتعال انگیز مؤقف اختیار کرتے ہوئے دعویٰ کیا ہے کہ تہران کو اپنی جوہری سرگرمیاں روک دینی چاہئیں۔  

یہ بھی پڑھیں: ایران کے جوہری پروگرام میں ہتھیاروں کے ہونے کا کوئی ثبوت نہیں : سی آئی اے کے سربراہ کا اعتراف

الجزیرہ نیوز چینل کی رپورٹ کے مطابق، برطانیہ کی روایتی مخالفانہ پالیسی کو جاری رکھتے ہوئے اس ملک کے وزیر خارجہ ڈیوڈ لیمی نے پیر کے روز ایران کے پرامن جوہری پروگرام کو بغیر کسی ثبوت کے جوہری عزائم قرار دیتے ہوئے کہا کہ ایران کو فوراً اپنی جوہری خواہشات کو ترک کر دینا چاہیے!

برطانوی وزیر خارجہ نے مزید اشتعال انگیز موقف اختیار کرتے ہوئے دعویٰ کیا کہ ایران کے خلاف فوجی آپشن بھی زیر غور ہے!

یہ بیان ایسے وقت میں آیا ہے جب مغربی طاقتیں ایران کے پرامن جوہری پروگرام کو سیاسی دباؤ ڈالنے کے لیے ایک بہانے کے طور پر استعمال کر رہی ہیں۔

 ڈیوڈ لیمی نے اسرائیل کی جانب سے غزہ میں امداد کی ترسیل روکنے کے اقدام کو ناقابل قبولقرار دیا اور کہا کہ یہ ایک بین الاقوامی قوانین کی خلاف ورزی ہے۔

 انہوں نے کہا کہ برطانیہ نے اسرائیل کو اپنی تشویش سے آگاہ کر دیا ہے اور زور دیا کہ دو ریاستی حل ہی اس پیچیدہ مسئلے کا واحد حل ہے۔

یہ بیان ایسے وقت میں سامنے آیا ہے جب برطانیہ اور دیگر مغربی ممالک اسرائیل کو کھلی حمایت فراہم کر رہے ہیں، باوجود اس کے کہ وہ غزہ میں انسانی حقوق کی کھلی خلاف ورزیاں کر رہا ہے،ایران کے پرامن جوہری پروگرام کو خطرہقرار دے رہے ہیں، حالانکہ اسرائیل کے جوہری ہتھیاروں پر کوئی بات نہیں کی جاتی۔

مزید پڑھیں: ایران کا جوہری پروگرام پر نظر رکھنے والے ادارے کو دوٹوک جواب، کسی بھی قسم کی تفصیلات دینے سے انکار کردیا

 برطانیہ کی ایران کے خلاف بیان بازی خطے میں کشیدگی بڑھانے کی کوشش ہے، ایران کے جوہری پروگرام کے خلاف بے بنیاد دعوے مغربی پراپیگنڈے کا حصہ ہیں،غزہ کے معاملے میں برطانیہ کی پالیسی دوغلی ہے، کیونکہ وہ اسرائیل کے خلاف عملی اقدامات سے گریز کر رہا ہے۔