امریکہ کی اخلاقی بنیادیں تباہ  ہو چکی ہیں: امریکی کارڈینل

?️ 16 مارچ 2026

سچ خبریں:ایک امریکی کارڈینل نے کہا ہے کہ ایران کے خلاف امریکہ اور صہیونی حکومت کی جارحیت کے نتیجے میں امریکہ کی اخلاقی بنیادیں تباہ ہو چکی ہیں۔

امریکی کارڈینل بلیس کیوپیچ نے ایران پر امریکی اور اسرائیلی حملوں کی شدید مذمت کرتے ہوئے کہا کہ ان واقعات نے امریکہ کی اخلاقی بنیادوں کی شکست کو ظاہر کر دیا ہے۔
آکسیوس نیوز ایجنسی کی رپورٹ کے مطابق شکاگو سے تعلق رکھنے والے کارڈینل بلیس کیوپیچ نے ایران پر امریکہ کے حملوں کے مناظر کو ایک طرح کی نمائش بنانے کی شدید مذمت کرتے ہوئے کہا کہ واشنگٹن کا یہ رویہ اس ملک کی اخلاقی بنیادوں کی ناکامی کی علامت ہے۔

انہوں نے کہا کہ ایران کے خلاف حملوں کے مناظر کو براہِ راست نشر کرنا اور انہیں ویڈیو گیمز اور ہالی ووڈ فلموں کے مناظر کے ساتھ پیش کرنا حقیقی انسانوں کو انسانیت سے محروم کرنے کے مترادف ہے۔

رپورٹ کے مطابق امریکہ نے ایک غیر اخلاقی اقدام کے طور پر ایران پر حملوں سے متعلق مناظر کو ویڈیو گیمز اور ہالی ووڈ فلموں کے مناظر کے ساتھ ملا کر براہِ راست نشر کیا تھا۔

اس اقدام کے بعد وائٹ ہاؤس کے شعبۂ تعلقاتِ عامہ کے سربراہ نے سی این این پر ان تصاویر کی نشریات کی تعریف کی تھی جبکہ ادارے کے ترجمان نے اس اقدام کا دفاع کرتے ہوئے کہا تھا کہ مستقبل میں بھی اسی نوعیت کی کارروائیاں جاری رکھی جائیں گی۔

رپورٹ کے مطابق امریکہ اور صہیونی حکومت کی جانب سے ایران کے خلاف مشترکہ فوجی جارحیت کو شروع ہوئی۔

ان حملوں میں آیت اللہ سید علی خامنہ ای اور متعدد فوجی کمانڈروں کے ساتھ ایران کے عام شہری بھی شہید ہوئے۔

ایران کی مسلح افواج نے امریکہ اور صہیونی حکومت کے ان حملوں کے جواب میں خطے میں امریکی فوجی اڈوں اور مقبوضہ علاقوں کو نشانہ بنایا۔