2023 کے آغاز سے اب تک صیہونیوں کے ہاتھوں 2200 فلسطینی گرفتار

?️ 6 اپریل 2023

سچ خبریں:رواں سال کے آغاز سے صیہونی حکومت نے مغربی کنارے بالخصوص مقبوضہ بیت المقدس میں فلسطینیوں کی گرفتاریوں کا سلسلہ تیز کر دیا ہے۔

فلسطینی میڈیا کی رپورٹ کے مطابق رواں سال کے آغاز سے صیہونی حکومت نے مغربی کنارے بالخصوص مقبوضہ بیت المقدس میں فلسطینیوں کی گرفتاریوں کا سلسلہ تیز کر دیا ہے۔

فلسطینی قیدیوں کے کلب نے اس سلسلے میں ایک بیان میں تاکید کی ہے کہ صیہونی حکومت نے رواں سال کے آغاز سے اب تک صرف مغربی کنارے اور بیت المقدس میں 2200 فلسطینیوں کو حراست میں لیا ہے،اس دوران گرفتار ہونے والوں میں سے 1200 کا تعلق قدس شہر سے ہے۔

واضح رہے کہ گذشتہ رات قابض صہیونی فورسز نے مسجد الاقصی کے اندر سے 400 سے زائد نمازیوں اور اعتکاف کرنے والوں کو گرفتار کر لیا، تاہم مزحمتی تحریک نے راکٹوں کے ذریعہ صیہونی جارحیت کا جواب دیا جس صیہونی بستیوں میں خوف و ہراس کی لہر پھیل گئی ،تاہم صیہونی میڈیا کا کہنا ہے کہ راکٹ حملوں میں کوئی جانی نقصان نہیں ہوا۔

فلسطینی قیدیوں کے کلب نے اس بات پر زور دیا کہ حالیہ برسوں میں مقبوضہ بیت المقدس میں کچھ لوگوں کو 40 سے زائد مرتبہ گرفتار کیا گیا ہے، اس مرکز کے مطابق قدس کے باشندوں کو گرفتاری کے علاوہ جلاوطنی، نظر بندی اور بھاری مالی جرمانے کا سامنا ہے۔