ترکی میں داعش سے مبینہ تعلق کے الزام میں 119 افراد گرفتار

?️ 19 جولائی 2026

سچ خبریں:ترکی کی وزارت داخلہ نے ہفتے کے روز اعلان کیا ہے کہ ملک بھر میں داعش سے مبینہ تعلق رکھنے کے الزام میں 119 افراد کو گرفتار کیا گیا ہے۔

ترکی کی وزارت داخلہ نے اعلان کیا ہے کہ ملک بھر میں داعش سے مبینہ تعلق رکھنے کے الزام میں 119 افراد کو گرفتار کیا گیا ہے۔

 حکام کے مطابق کارروائیاں 30 صوبوں میں کی گئیں اور گرفتار افراد پر داعش کی رکنیت، تشہیر اور مالی معاونت کے الزامات ہیں۔

وزارت داخلہ کے بیان کے مطابق 30 صوبوں میں داعش کے خلاف کیے گئے پولیس آپریشنز کے دوران مجموعی طور پر 199 مشتبہ افراد کو حراست میں لیا گیا، جن میں استنبول اور انقرہ بھی شامل ہیں۔

وزارت نے بتایا کہ گرفتار افراد پر داعش کی رکنیت، سماجی ذرائع ابلاغ پر داعش کی تشہیر اور ثالثوں یا نام نہاد خیراتی اداروں کے ذریعے داعش کو مالی معاونت فراہم کرنے جیسے الزامات عائد کیے گئے ہیں۔

جون کے آخر میں بھی ترکی کی پولیس نے دارالحکومت میں نیٹو اجلاس کے انعقاد سے 2 ہفتے قبل جنوبی انقرہ میں داعش سے مبینہ تعلق رکھنے والے ایک مشتبہ شخص کو فائرنگ کے تبادلے کے دوران ہلاک کر دیا تھا۔

اس کارروائی کے بعد انقرہ کے چیف پراسیکیوٹر کی ہدایت پر داعش یا انتہائی بائیں بازو کے گروہوں سے مبینہ تعلق رکھنے کے الزام میں 209 مشتبہ افراد کو بھی گرفتار کیا گیا تھا۔