یہود دشمنی سے لڑنے کے بہانے فلسطینی حامیوں کے خلاف لندن کا کریک ڈاؤن

?️ 17 دسمبر 2025

یہود دشمنی سے لڑنے کے بہانے فلسطینی حامیوں کے خلاف لندن کا کریک ڈاؤن

برطانیہ کے وزیراعظم کیئر اسٹارمر نے یہودی مخالفیت کے بہانے فلسطین کے حامی مظاہروں میں شامل افراد کے خلاف پولیس کی سخت کارروائی کا حکم دیا اور اعلان کیا کہ حکومت لندن اس رویے کو برداشت نہیں کرے گی۔

روزنامہ «انڈیپینڈنٹ» کے مطابق وزیراعظم کے ترجمان نے کہا کہ "اگرچہ اظہار رائے ایک بنیادی حق ہے، لیکن یہ حق کسی دوسرے کے خلاف نفرت پھیلانے یا تکلیف پہنچانے کے لیے استعمال نہیں ہو سکتا”۔

ترجمان نے مزید کہا کہ پولیس یہودی مخالفیت کے پھیلاؤ کو روکنے کے لیے اپنے اختیارات کو "مزید سختی سے” استعمال کرے گی۔

اس سے قبل، جولائی میں برطانوی حکومت نے عوامی گروپ "ایکشین فار فلسطین” کی سرگرمیوں پر پابندی عائد کی تھی۔ اس قانون کے تحت اس گروپ کی رکنیت جرم قرار پاتی ہے اور اس پر 14 سال تک قید کی سزا ہو سکتی ہے۔ اس کے بعد دسمبر کے آغاز تک 2 ہزار سے زائد افراد اس گروپ کے حمایتی علامتیں رکھنے کے جرم میں گرفتار کیے جا چکے ہیں۔

اس گروپ کے وکلاء نے پابندی کو برطانیہ کی طرف سے ایک استبدادی اقدام قرار دیا ہے۔

غزہ میں اسرائیلی نسل کشی اور دنیا بھر میں آزادی پسندوں کے احتجاج کے بعد، برطانیہ اور امریکہ سمیت کچھ دیگر ممالک کی حکومتیں قوانین کے ذریعے فلسطین کے حامیوں کی سرگرمیوں کو محدود کرنے کی کوشش کر رہی ہیں۔

برطانیہ میں فلسطین کے حامیوں کی جانب سے بارہا مظاہرے کیے گئے، جن میں غزہ میں ہونے والی نسل کشی اور اسرائیل کی جانب سے بار بارجنگ بندی کی خلاف ورزی پر احتجاج کیا گیا۔ ایسے آتش‌بس صرف اس وقت نافذ ہوتے ہیں جب اسرائیل چاہے اور جب بھی چاہے اسے توڑ دیتا ہے۔