یوکرین کو کون قبرستان بنا رہا ہے،امریکہ یا روس؟

یوکرین

?️

سچ خبریں: امریکہ میں روس کے سفیر کا کہنا ہے کہ یوکرین کو کلسٹر گولہ بارود بھیجنے کے واشنگٹن کے فیصلے سے ثابت ہوتا ہے کہ یہ ملک یوکرین کو اپنے پرانے ہتھیاروں سے نجات کے لیے استعمال کرنا چاہتا ہے۔

امریکہ میں روس کے سفیر اناتولی انتونوف نے یوکرین کو کلسٹر بم بھیجنے کے امریکی فیصلے کا حوالہ دیتے ہوئے اس بات پر زور دیا کہ ضروری نہیں ہے کہ اس طرح کے فیصلے سے واشنگٹن کا مقصد یوکرین کی مدد کرنا ہو ۔

انتونوف نے ایک بیان میں لکھا کہ اس طرح کا مؤقف واضح طور پر یوکرین کے بارے میں امریکہ کے حقیقی نقطہ نظر کو ظاہر کرتا ہے کہ واشنگٹن یوکرین کو اپنے پرانے ہتھیاروں سے نجات کے لیے استعمال کرنا چاہتا ہے اور سوویت یونین کے امیر اور زرخیز حصوں میں سے ایک کو ناقابل رہائش قبرستان میں تبدیل کرنا چاہتا ہے۔

یہ بھی پڑھیں: یک قطبی نظام کا خاتمہ یا نہ ختم ہونے والی جنگ؟

انہوں نے تاکید کی کہ امریکی گولہ بارود اوربہت سارے جلے ہوئے جرمن لیپرڈ ٹینک نیز دیگر مغربی ہتھیار جنگ کے بعد بھی یوکرین میں باقی رہیں گے جس کے خوفناک اثرات ہوں گے۔

انتونوف نے مزید کہا کہ امریکہ، یوکرین کی مسلح افواج اور جنگی صلاحیت کو مضبوط کرنے کے بارے میں خیالی نعرے لگا کر، بنیادی اخلاقی اصولوں کے حوالے سے زیادہ سے زیادہ گر رہا ہے اور بے عزتی کے ساتھ اپنا مہلک فضلہ یوکرین کے سر پر ڈال رہا ہے۔

یاد رہے کہ یوکرین کو کلسٹر جنگی ہتھیار بھیجنے کے امریکہ کے فیصلے کا اعلان 7 جولائی کو کیا گیا، تاہم اقوام متحدہ اور واشنگٹن کے کئی قریبی اتحادیوں نے اس فیصلے کی مخالفت کی،امریکن ڈیموکریٹک پارٹی کے کئی ارکان بھی اس حوالے سے امریکی صدر جو بائیڈن کی حکومت کے منصوبوں کے خلاف ہیں۔

مزید پڑھیں: امریکہ اپنے تمام فوجی اور فوجی ساز و سامان یورپ سے واپس لے جائے: روس

روس کے وزیر دفاع سرگئی شوئیگو نے امریکہ کو اس قسم کا گولہ بارود بھیجنے کے بارے میں خبردار کیا ہے اور اس بات پر زور دیا ہے کہ اس طرح کی کاروائی صرف تنازع کو طول دے گی۔

امریکی قومی سلامتی کونسل کے مشیر جیک سلیوان نے اس ہفتے اتوار کو اعلان کیا کہ کیف کو کلسٹر بم بھیجنے کے بعد واشنگٹن کا اپنے ہتھیاروں کو کلسٹر ہتھیاروں میں تبدیل کرنے کا کوئی منصوبہ نہیں ہے۔

مشہور خبریں۔

جنرل سلیمانی کا بدلہ لینے میں تاخیر کی وجوہات:امریکی تحقیقاتی ادارہ

?️ 9 ستمبر 2022سچ خبریں:جنرل سلیمانی کی شہادت نے امریکہ کو سکھایا کہ ایران غیر

مریم نواز سے اب کبھی ملاقات نہیں کروں گا، گورنر پنجاب

?️ 23 نومبر 2024لاہور: (سچ خبریں) گورنر پنجاب سلیم حیدر نے کہا ہے کہ مسلم

ججز پر تنقید ہونی چاہیے لیکن تعمیراتی تنقید ہو، چیف جسٹس

?️ 13 جنوری 2025 اسلام آباد: (سچ خبریں) چیف جسٹس آف پاکستان جسٹس یحییٰ آفریدی

شام اور عراق میں امریکہ کی حالت زار؛پنٹاگون کی زبانی

?️ 17 نومبر 2023سچ خبریں: گزشتہ ماہ عراق اور شام میں امریکی افواج پر حملوں

روس میں بشار اسد کے قتل کی ناکام کوشش:برطانوی اخبار کا دعویٰ

?️ 3 جنوری 2025سچ خبریں:برطانوی اخبار نے دعویٰ کیا ہے کہ روس میں شام کے

اپریل میں کرنٹ اکاؤنٹ سرپلس کم ہوکر ایک کروڑ 20 لاکھ ڈالر رہ گیا

?️ 17 مئی 2025کراچی: (سچ خبریں) اسٹیٹ بینک آف پاکسان نے کہا ہے کہ کرنٹ

لبنانی فوج کے کمانڈر کا دورہ امریکہ کیوں منسوخ کیا گیا؟

?️ 20 نومبر 2025سچ خبریں: واشنگٹن نے لبنانی فوج کے کمانڈر جنرل روڈولف ہیکل کے واشنگٹن

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے