سچ خبریں:یوکرائن کے صدر کا کہنا ہے کہ انھوں نے اقوام متحدہ کی عالمی عدالت انصاف میں روس کے خلاف مقدمہ دائر کیا ہے۔
یوکرائن کے صدرزیلنسکی نے اتوار کو ایک نئی ٹویٹ میں لکھا کہ یوکرائن نے ہیگ میں اقوام متحدہ کی بین الاقوامی عدالت انصاف میں روس کے خلاف باضابطہ طور پر مقدمہ دائر کیا ہے ،انہوں نے مزید کہاکہ ہم چاہتے ہیں کہ روس پر یوکرائن کے خلاف اپنی جارحیت کا جواز پیش کرنے کے لیے نسل کشی کے تصور کو مسخ کرنے پر مقدمہ چلایا جائے۔
یوکرین کے صدر نے مزید کہاکہ ہم ہیگ میں انصاف کی بین الاقوامی عدالت سے مطالبہ کرتے ہیں کہ وہ روس کو یوکرائن میں دشمنی کو معطل کرنے کا حکم دے اور اگلے ہفتے اس معاملے پر غور کرنے کے لیے ایک میٹنگ طے کرے۔
گزشتہ جمعرات کو روسی صدر ولادیمیر پوتن نے یوکرین کو غیر فوجی آپریشن اور ڈونباس کے علاقے کے رہائشیوں کی مدد کے لیے فوجی آپریشن کا حکم دیا تھا اور یہ آپریشن یوکرین کے مختلف حصوں میں جاری ہے۔
