یا ہمارے ساتھ رہو یا دہشت گردوں کے؛ترکی کے صدر کا امریکہ سے خطاب

?️ 15 فروری 2021

سچ خبریں:ترکی کے صدر رجب طیب اردغان  نے پیر کو امریکہ سے دہشت گردی کی حمایت بند کرنے کا مطالبہ کیا۔
اسپوٹنک نیوز ایجنسی کی رپورٹ کے مطابق ترکی کے صدر رجب طیب اردغان نے کہا ہے کہ امریکہ کو دہشت گردی کی حمایت کرنا چھوڑ کر ترکی کے ساتھ کھڑے ہونے کا انتخاب کرنا چاہئےیا ان میں سے کسی ایک کا انتخاب کرے، اردگان نے مزید الزام عائد کیا کہ امریکہ نے علیحدگی پسند کردستان ورکرز پارٹی (پی کے کے) کی حمایت کی ہے۔

ترک حکام نے گذشتہ روز کہاتھا کہ پی کے کے عسکریت پسندوں نے شمالی عراق کی ایک غار میں 13 فوجیوں اور پولیس اہلکاروں سمیت متعدد ترک شہریوں کو پھانسی دے دی تھی،یادرہے کہ امریکی محکمہ خارجہ کی ترجمان نیڈ پرائس نے شمالی عراق میں ترک شہریوں کی ہلاکت پر رد عمل کا اظہار کرتے ہوئے کہا امریکہ کو ترک فوجیوں کی ہلاکت کی خبر پر افسوس ہے ہے اس کے بعد انہوں نے یہ کہتے ہوئے کہ اگر پی کے کے کے ذریعہ ترک شہریوں کے قتل کی تصدیق ہوگئی تو واشنگٹن اس کی ہر ممکن حد تک اس اقدام کی مذمت کرے گا۔

در ایں اثنا ترکی کے وزیر خارجہ مولود چاووش اوغلو نے پی کے کے دہشت گردوں کے ذریعہ 13 ترک شہریوں کی ہلاکت کے بارے میں اپنے ایک ٹویٹر پیغام میں دہشت گردی کے بارے میں مغرب کے منتخب اور دوہرے معیار پر زور دیا، ترک شہریوں کے قتل سے متعلق ٹویٹر پیغام میں ، ترک وزیر خارجہ نے پی کے کے دہشت گردوں کو ان ہلاکتوں کا ذمہ دار ٹھہرایا اور دہشت گردی کے معاملے پر مغربی موقف کی مذمت کی، چاووش اوغلو نے لکھاکہ دہشت گردی کے معاملے پر مغربی دنیا کا دوہرا معیار اور اچھے دہشت گردوں اور برے دہشت گردوں کے لئے اس کے انتخابی انداز کو جاری رکھنا ہے۔