ہم شام کی سلامتی اور علاقائی سالمیت کی حمایت کرتے ہیں:عرب پارلیمنٹ ارکان

?️ 11 جون 2023

سچ خبریں:عرب پارلیمنٹ کے اراکین نے اپنی قاہرہ میں ہونے والی اپنی نشست میں شام کی سلامتی اور علاقائی سالمیت کی حمایت کی نیز اس پارلیمنٹ اور عرب لیگ میں دمشق کی واپسی کا خیرمقدم کیا۔

سانا نیوز ایجنسی کی رپورٹ کے مطابق عرب پارلیمنٹ کے ارکان نے ہفتے کی شام قاہرہ میں واقع عرب لیگ کے جنرل سکریٹریٹ میں منعقدہ اپنے تازہ ترین اجلاس میں شام کی سلامتی، استحکام اور ارضی سالمیت کے لیے اپنی حمایت پر زور دیا۔

اس نشست کے دوران انہوں نے عرب لیگ اور عرب پارلیمنٹ میں شام کی واپسی کا خیرمقدم کیا،عرب پارلیمنٹ کے اراکین نے امید ظاہر کی کہ شام کے بحران کے حل کے لیے غیر ملکی مداخلتوں سے ہٹ کر عرب ممالک کا تعاون مزید بڑھے گا۔

انہوں نے عرب ممالک اور عالمی برادری سے مطالبہ کیا کہ وہ شام کی حمایت کرتے ہوئے اس کی اقتصادی اور سماجی ترقی کے لیے حالات فراہم کریں نیز تعمیر نو کے مقصد سے اس ملک میں سرمایہ کاری اور مختلف منصوبوں پر عمل درآمد کے ذریعے اسے مدد فراہم کریں۔

عرب پارلیمنٹ نے عرب دنیا کے مرکزی مسئلہ کے طور پر فلسطین کے کاز کی حمایت اور فلسطین کو آزاد کرانے کی کوششوں میں اپنے مضبوط موقف پر بھی زور دیا۔