ہارورڈ کے طلبہ کی نظر میں طوفان الاقصی کا ذمہ دار کون ہے؟

?️ 12 اکتوبر 2023

سچ خبریں: مغربی میڈیا نے اطلاع دی ہے کہ امریکی ہارورڈ یونیورسٹی کی 33 طلبہ تنظیموں نے غزہ کے عوام کے ساتھ اظہار یکجہتی کے لیے ایک بیان پر دستخط کیے ہیں، جس میں حماس کے حملوں کا ذمہ دار اسرائیلی حکومت کو ٹھہرایا گیا ہے۔

thecrimson نیوز سائٹ کے مطابق، امریکی ہارورڈ یونیورسٹی کی طلباء تنظیموں اور انجمنوں کے ایک گروپ نے فلسطینی عوام کے ساتھ اظہار یکجہتی کرتے ہوئے، ایک پٹیشن پر دستخط کیے، جس میں غزہ کی پٹی کے رہائشیوں کے خلاف اسرائیلی حکومت کے گھناؤنے جرائم کی مذمت کی گئی ہے۔

یہ بھی پڑھیں: فلسطینیوں کی حمایت جاری رکھیں گے:ایران

اس بیان پر دستخط کرنے والی طلبہ تنظیموں نے کہا ہے کہ ہم غزہ کی پٹی کے لوگوں کے خلاف کھلے عام تشدد کی تمام کارروائیوں کے لیے اسرائیلی حکومت کو مکمل طور پر ذمہ دار ٹھہراتے ہیں،یہ واقعات خلا میں نہیں ہوئے۔

انہوں نے کہا کہ گزشتہ دو دہائیوں سے غزہ میں لاکھوں فلسطینی ایک کھلی جیل میں زندگی گزارنے پر مجبور ہیں،75 سالوں سے اسرائیلی تشدد نے کئی شکلیں اختیار کی ہیں جس میں فلسطینیوں کی زمینوں پر قبضے سے لے کر فضائی حملوں تک، چوکیوں پر من مانی حراست، جبری خاندانی علیحدگی، اور ٹارگٹ کلنگ شامل ہیں۔

مزید پڑھیں: امریکا میں فلسطین کی حمایت کرنا جرم، فلسطینیوں کی حمایت پر امریکی صحافی کو عہدے سے ہٹادیا گیا

طلبہ تنظیموں نے کہا کہ ہم ہارورڈ کی تعلیمی برادری سے مطالبہ کرتے ہیں کہ وہ نوآبادیاتی انتقام کے خلاف اٹھ کھڑے ہوں اور تشدد کو روکنے کے لیے کاروائی کریں۔