کیا 2022 کورونا وبا کے خاتمے کا سال ہے؟

?️ 28 دسمبر 2021

سچ خبریں:اگرچہ کورونا کی نئی قسم اومیکرون نے اس بیماری کی منتقلی کی رفتار کے بارے میں خدشات کو جنم دیا ہے،تاہم اس نے وبا میں کمی کی امید پیدا کردی ہے۔
گارڈین اخبار کی رپورٹ کے مطابق اگرچہ کورونا کی نئی قسم اومیکرون کے کیسز Covid19 وائرس کے مقابلہ میں تیزی سے بڑھ رہے ہیں تاہم سائنسدان محتاط طور پر پر امید ہیں کہ یہ اس بات کی علامت ہے کہ کورونا وائرس طاقت کھو رہا ہے ،واضح رہے کہ حالیہ ہفتوں میں جس طرح کورونا کے رجحان میں اضافہ ہوا ہے، اس نے اس وبا کے بارے میں اہم سوالات اٹھائے ہیں۔
اس موسم سرما میں کورونا کی وبا پچھلی سردیوں سے کتنی ملتی جلتی ہے؟ پہلی نظر میں یہ دونوں سردیاں نمایاں طور پر ملتی جلتی نظر آتی ہیں، کیونکہ اس وقت بھی کورونا کے کیسز میں اضافہ ہو رہا ہے لیکن واضح رہے کہ اس سال کورونا کے باعث ہسپتالوں میں داخل ہونے اور اموات کی شرح بہت کم رہی ہے، نئی تحقیق سے پتہ چلتا ہے کہ کورونا وائرس کی نئی قسم اس بیماری کے ہلکے ہونے کا باعث بن رہی ہے۔

قابل ذکر ہے کہ سائنس دان عام طور پر "اومیکرون” کے پھیلاؤکے بارے میں کیے جانے والے حالیہ مطالعات کے نتائج کو اچھی خبر سمجھتے ہیں، لیکن ساتھ ہی ساتھ اسے احتیاط کے ساتھ تجویز کرتے ہیں۔

کیا اومیکرون میں خاص عمر کے افراد ملوث ہوتے ہیں؟
اس سوال کے جواب میں کہا جاسکتا ہے کہ اس قسم کے متأثر ہونے والے زیادہ تر نوجوان ہیں ، اس کی وجہ یہ ہے بزرگوں میں کورونا ویکسینیشن کی شرح کافی زیادہ ہے۔