کیا فلسطینی عوام بھی طوفان الاقصیٰ کی حامی ہے؟

?️ 8 اکتوبر 2023

سچ خبریں: قابضین کے خلاف قابل فخر آپریشن طوفان الاقصیٰ کے اچانک آغاز کے ساتھ ہی مقبوضہ اراضی اور جنوبی لبنان میں واقع پناہ گزین کیمپوں میں فلسطینیوں نے اپنے جذبات کا اظہار کیا اور مزاحمت کی حمایت کی۔

المیادین چینل کی رپورٹ کے مطابق غزہ میں فلسطینی مزاحمتی مجاہدین کے قابل فخر آپریشن طوفان الاقصیٰ کے آغاز کے بعد مغربی کنارے میں خوشی اور مسرت کی لہر دوڑ گئی، 1948 کے مقبوضہ فلسطینی علاقوں میں رہنے والے ، غزہ اور جنوبی لبنان میں فلسطینی کیمپوں کے فلسطینیوں میں خوشی کی لہر دوڑ گئی۔

یہ بھی پڑھیں: غزہ کی مساجد میں تکبیر کی گونج ؛صیہونی گھٹنے ٹیکنے پر مجبور

اس رپورٹ کے مطابق غزہ کی پٹی کے فلسطینیوں نے غزہ شہر کی سڑکوں پر جمع ہو کر پورے مقبوضہ فلسطین پر مزاحمتی قوتوں کے راکٹ برسانے پر خوشی کا اظہار کیا

فلسطینیوں نے نعرے لگائے کہ اب وقت آگیا ہے کہ غزہ کی مزاحمت اپنی طاقت دکھائے۔

واضح رہے کہ غزہ کی پٹی سے ملحقہ صیہونی بستیوں سے موصول ہونے والی ویڈیوز میں دکھایا گیا ہے کہ فلسطینی غزہ کی پٹی سے ملحقہ بستیوں پر قبضے کے بعد قابض فوج کی ایک ہامر فوجی گاڑی پر جا رہے ہیں اور غاصبانہ صیہونی قابضین کے خلاف نعرے لگا رہے ہیں۔

اس سلسلے میں مغربی کنارے کے شہر جنین اور وہاں واقع پناہ گزین کیمپ میں مقیم فلسطینی نوجوان غزہ کے مزاحمتی مجاہدین کی طرف سے طوفان الاقصی کے آپریشن کے ردعمل میں سڑکوں پر جمع ہوئے اور تلواریں نیام سے باہر ہیں اور ہم محمد ضیف کی اولاد ہیں جیسے نعرے لگا کر اپنے جذبات کا اظہار کیا۔

مزید پڑھیں: مزاحمتی تحریک کی کامیابی پر غزہ اور مغربی پٹی میں جشن

دوسری جانب غزہ کی پٹی کے اطراف میں موجود مقبوضہ بستیوں سے موصول ہونے والی تازہ ترین تصاویر اور ویڈیوز کے مطابق مقبوضہ شہر قدس میں مقیم فلسطینیوں نے القدس کی سڑکوں پر مارچ کیا، آتش بازی کی اور جشن منایا۔

مغربی کنارے کے شہر نابلس کے باشندوں نے طوفان الاقصی آپریشن آغاز کے بعد مارچ کر کے اپنے جذبات کا اظہار کیا۔