چین کے ساتھ ممکنہ جنگ میں امریکہ کے اہم ہتھیار کتنے دن کے لیے ہیں؟

چین

?️

سچ خبریں:ایک امریکی تھنک ٹینک نے اپنی ایک رپورٹ میں بتایا ہے کہ امریکی ملٹری انڈسٹری چین کے ساتھ کسی ممکنہ جنگ کے لیے تیار نہیں ہے اور اس ملک کی فوج میں ہتھیاروں کی بنیادی کمی ہے۔

ایک امریکی تھنک ٹینک کی رپورٹ میں امریکی ہتھیاروں اور گولہ بارود کے ذخیرے کی کمی نیز چین کے ساتھ تائیوان پر کسی بھی ممکنہ جنگ میں پیداوار بڑھانے کے لیے اس کی صنعتوں کی صلاحیت کے بارے میں انتباہ دیا گیا ہے،رپورٹ میں کہا گیا ہے کسی بھی ممکنہ جنگ کی صورت میں امریکی اہم ہتھیاروں کا ذخیرہ ایک ہفتے کے اندر ختم ہو جائے گا۔

واضح رہے کہ سینٹر فار اسٹریٹجک اینڈ انٹرنیشنل اسٹڈیز (CSIS) کی جانب سے گزشتہ ہفتے شائع ہونے والی 44 صفحات پر مشتمل رپورٹ میں کہا گیا ہے کہ امریکی فوج چین کے ساتھ جنگ میں اپنے کچھ جنگی سازوسامان استعمال کر سکتی ہے، جن میں طویل فاصلے تک مار کرنے والے اور درست طریقے سے رہنمائی کرنے والے میزائل بھی شامل ہیں، تاہم یہ ایک ہفتے سے بھی کم عرصے میں ختم ہو جائیں گے۔

رپورٹ میں مزید کہا گیا ہے کہ یوکرین کی جنگ نے امریکی دفاعی صنعت میں سنگین خامیوں کا انکشاف کیا اور یاد دلایا کہ ایک طویل تنازع میں صنعتی جنگ بہت اہم اور ضروری ہے، سینٹر فار اسٹریٹجک اینڈ انٹرنیشنل اسٹڈیز کی رپورٹ میں اس بات پر بھی زور دیا گیا ہے کہ امریکی دفاعی صنعت طویل المدتی جنگ کے لیے تیار نہیں ہے اور اسے امریکی فوج کے لیے ایک بڑا مسئلہ قرار دیا ہے۔

یاد رہے کہ گزشتہ مہینوں کے دوران یوکرین کو دی جانے والی غیرحساب امریکی ہتھیاروں کی امداد پر کئی تنقیدیں ہوچکی ہیں، اس سے قبل وال اسٹریٹ جرنل اخبار نے ایک فوجی رپورٹ میں یوکرین کی جنگ کی وجہ سے امریکی ہتھیاروں کے ذخیرے میں تیزی سے کمی کا اعلان کیا تھا، اس رپورٹ کے مطابق یوکرین کی فوج نے روس کے ساتھ جنگ میں امریکہ کے جیولین میزائلوں کے 7 سالہ ذخیرے کو استعمال کیا ہے۔

 

مشہور خبریں۔

ایرانی صدر کی حلف برداری کی تقریب اور عالمی میڈیا

?️ 3 اگست 2021سچ خبریں:دنیا بھر کے مختلف ذرائع ابلاغ نے بڑے پیمانے پر آج

افغانستان میں امن برقرار کرنے کے لیئے پاک-افغان علماء کا مکہ میں اہم اجلاس

?️ 11 جون 2021  افغانستان میں امن برقرار کرنے کے حوالے سے پاکستان اور افغانستان

ڈائریکٹر جنرل انٹرنیشنل اٹامک انرجی ایجنسی کا زیر تعمیر چشمہ پاور پلانٹ یونٹ 5 کا دورہ

?️ 14 فروری 2025 اسلام آباد: (سچ خبریں) ڈائریکٹر جنرل انٹرنیشنل اٹامک انرجی ایجنسی رافیل

انٹربینک مارکیٹ میں روپے کی قدر میں کمی، ڈالر ایک روپے 35 پیسے مہنگا

?️ 21 اگست 2023اسلام آباد: (سچ خبریں) انٹر بینک مارکیٹ میں روپے کے مقابلے میں

کوہ پیما محمد علی سد پارہ کے متعلق ان کے بیٹے کا اہم بیان سامنے آگیا

?️ 8 فروری 2021سکردو(سچ خبریں) علی سدپارہ کے بیٹے ساجد سدپارپ نے کے ٹو سرچ

رواں سال میں صیہونیوں کے ہاتھوں شہید ہونے والی فلسیطنیوں کے اعداد و شمار

?️ 10 اپریل 2021سچ خبریں:مقبوضہ علاقوں کی تازہ ترین اطلاعات سے ظاہر ہوتا ہے کہ

تہران اور ریاض مذاکرات کے بارے میں عراق اور سعودی وزراء کا اظہار خیال

?️ 31 اگست 2022سچ خبریں:   عراقی وزارت خارجہ کے ترجمان احمد الصحاف نے منگل کی

پی ٹی آئی کو احتجاجی تحریک سے کچھ حاصل نہیں ہوگا، رانا ثناللہ

?️ 7 جون 2025فیصل آباد: (سچ خبریں) وزیر اعظم کے مشیر برائے سیاسی امور رانا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے