چین کا مسافر بردار طیارہ گر کر تباہ

?️ 22 مارچ 2022

سچ خبریں:چین کا 133 مسافروں کو کومنگ سے گوانگ زو لے جانے والا طیارہ گونگش میں گر کر تباہ ہوگیا۔
چینی ذرائع ابلاغ کی رپورٹ کے مطابق چائنا ایسٹرن ایئر لائنز کا بوئنگ737 طیارہ چین کے علاقےکومنگ سے گوانگ زو جا رہا تھا جو گونگش میں گر کر تباہ ہوگیا جبکہ اس بد قسمت طیارے میں 133افراد سوار تھے۔

واضح رہے کہ طیارے میں ہلاک افراد اورزخمیوں کے بارے میں تاحال کوئی تصدیق نہیں کی گئی جبکہ امدادی کارروائیاں جاری ہیں اورریسکیو عملہ تعینات کردیا گیا ہے،طیارہ گرنے کے بعد گوانگشی میں پہاڑوں پر آگ لگنے کی اطلاعات موصول ہوئی ہیں۔

فلائٹ ٹریکنگ ویب سائٹس کے مطابق طیارہ اڑان بھرنے کے صرف ایک گھنٹے تک فضا میں دکھائی دیا۔