پوپ فرانسس کی عراقی شیعہ رہنما کے لیے ایک اہم بات

?️ 11 مارچ 2021

سچ خبریں:کیتھولک دنیا کے رہنما پوپ فرانسس نے ٹویٹ کیا کہ آیت اللہ سیستانی سے ان کی ملاقات ناقابل فراموش ہے۔

عراقی میڈیا کے مطابق پوپ فرانسس کے ٹویٹ جو عربی میں شائع کیا گیا ،میں لکھا کہ وہ عراقی شیعہ رہنما آیت اللہ سیستانی کے ساتھ ہونے والی ملاقات کو کبھی نہیں بھولیں گے، کیتھولک دنیا کے رہنما نے مزیدکہا کہ عراق کے سفر کے بعد ، میری روح خدا اور ان تمام لوگوں کے شکریہ سے بھر گئی جنہوں نے اس سفر کو ممکن بنایا، ٹویٹ میں پوپ فرانسس نے عراقی صدر برہم صالح ، حکومت اور چرچ کے عہدیداروں سمیت عراقی عہدیداروں کا شکریہ ادا کیا۔

انہوں نے کہا کہ میں آیت اللہ سیستانی کی سربراہی میں عراقی مذہبی رہنماؤں کی تعریف کرتا ہوں جن کی میرےساتھ ناقابل فراموش ملاقات ہوئی، پوپ فرانسس نے عراقی کردستان ریجن کے عہدیداروں اور کردوں کی جانب سے پرتپاک خیرمقدم کرنے پر ان کا شکریہ بھی ادا کیا۔

پوپ کے اس ٹویٹ کے بعد عراقی صدر برہم صالح نے پوپ فرانسس کے پیغام کے جواب میں لکھاکہ مسٹر پوپ ، آپ کے تاریخی سفر کے لئے آپ کا شکریہ "اس سفر سے آپ نے عراق اور اس کے عوام سے وابستگی ظاہر کی اور مختلف شہروں میں آپ کی موجودگی اور لوگوں کے متعدد گروہوں کے ساتھ آپ کی ملاقات عراق کے لیے امن اور انسانی یکجہتی کا پیغام تھا جسے کبھی فراموش نہیں کیا جائے گا، انہوں نے پوپ کے دورے کو عراقی عوام کو دہائیوں کے ظلم و جبر کے گہرے زخموں پر مرہم رکھنے میں مدد کا ذریعہ قرار دیا۔

یادرہے کہ پوپ فرانسس نے گذشتہ جمعہ کو تین روزہ عراق کا دورہ کیا جہاں انھوں نے بغداد ، نجف اشرف ،صوبہ ذی قار کے تاریخی شہر اور ، عراقی کردستان میں اربیل ، موصل اور شمال میں قرقوش کا دورہ کیا،واضح رہے کہ اس سفر کا سب سے اہم حصہ ، جو خبروں ، مذہبی اور رائے عامہ کے حلقوں میں وسیع پیمانے پر چھایا ہوا تھا ، پوپ کا نجف اشرف کا دورہ اور عراق میں شیعوں کے اعلی مذہبی رہنما آیت اللہ سیستانی سے ان کی ملاقات تھی۔