پنسلوانیا ہوائی اڈے پر سامان میں بم ہونے کے الزام میں ایک امریکی شہری گرفتار

?️ 2 مارچ 2023

سچ خبریں:امریکی پولیس نے اس ملک کے ایک شہری کو پنسلوانیا کے لی ہائی ویلی ائرپورٹ پر اپنے سامان میں بم بنانے کا سامان رکھنے کے الزام میں گرفتار کر لیا۔

امریکی حکام نے ایک شخص کو اس وقت گرفتار کر لیا ہے جب انہیں اس کے بیگ میں چھپایا گیا دھماکہ خیز مواد ملا جب وہ پنسلوانیا سے فلوریڈا جانے والی ڈومیسٹک فلائٹ میں سفر کرنے والا تھا۔

اس رپورٹ کے مطابق امریکی ائرپورٹ سکیورٹی ایجنسی (TEA)نے ایک بیان میں اعلان کیا ہے کہ اس نے ملک کے مشرق میں واقع لی ہائی ویلی انٹرنیشنل ائرپورٹ پر سامان کے معمول کے معائنے کے دوران ایک مشکوک پیکج دریافت کیا۔

درایں اثنا Axios ویب سائٹ کی طرف سے شائع ہونے والی عدالتی دستاویز کے مطابق، امریکی وفاقی پولیس ایف بی آئی نے مشکوک سامان کے مواد کی فوری تحقیقات کرنے کے بعد اس بات کی تصدیق کی ہے کہ دائرے کی شکل کا دریافت شدہ پیکٹ میں دھماکہ خیز پاؤڈر تھا جسے آتش بازی میں استعمال کیا جاتا ہے۔

ایف بی آئی کی جانب سے جاری کردہ دستاویز میں مزید کہا گیا کہ بیگ میں بیوٹین گیس (گھریلو گیس) کی ایک بوتل، ایک لائٹر اور ایک پائپ موجود تھا جس کے اندر سفید پاؤڈر کی باقیات تھیں۔ امریکی وفاقی پولیس کے مطابق مشتبہ شخص کی شناخت مارک ماولی کے نام سے ہوئی ہے جو فلوریڈا کے شہر اورلینڈو جانا چاہتا تھا۔

رپورٹ کے مطبق اسے سکیورٹی ڈپارٹمنٹ میں جانے کے لیے دی جانے والی ائرپورٹ کے لاؤڈ اسپیکر کی آواز سنتے ہی وہ تیزی سے ائرپورٹ سے نکل گیا تاہم اس کے چند گھنٹے بعد ہی پولیس نے اسے گرفتار کر لیا۔