پتھر کے دور میں واپس کون جا رہا ہے؟ حزب اللہ یا اسرائیل

سچ خبریں: صیہونی حکومت کے ذرائع ابلاغ نے شمالی محاذ میں حزب اللہ کی طاقت کا اعتراف کیا۔

المیادین چینل کی رپورٹ کے مطابق عبرانی زبان کے ذرائع ابلاغ نے شمالی محاذ میں حزب اللہ کی طاقت کو تسلیم کرتے ہوئے خبر دی ہے کہ حزب اللہ نے شمال میں اسرائیل کے انٹیلی جنس نظام کو پتھر کے زمانے میں لوٹا دیا ہے۔

عبرانی اخبار ہارٹیز نے فلسطین کے بارے میں اپنی ایک رپورٹ میں لکھا ہے کہ فلسطینی حماس کے ساتھ ہیں اور جنگ اس حقیقت کو کبھی تبدیل نہیں کرے گی۔

یہ بھی پڑھیں: صیہونی قومی سلامتی سروس کی نظر میں سید حسن نصراللہ

عبرانی زبان کے ذرائع ابلاغ نے گزشتہ روز بھی اعتراف کیا کہ صیہونی حکومت غزہ کی پٹی کے خلاف اپنے وحشیانہ حملوں کی وجہ سے ماہانہ 9 ارب شیکل (صیہونی حکومت کی کرنسی) خرچ کرتی ہے۔

ان ذرائع ابلاغ نے شمالی محاذ کی صورت حال کے بارے میں بھی خبر دی کہ شمالی محاذ پر راکٹوں کی فائرنگ کا سلسلہ نہیں رک رہا، اس خطے میں تنازعات طویل عرصے سے جاری ہیں۔

مزید پڑھیں: اسرائیل کے حساس مراکز مزاحمتی میزائلوں کے گھیرے میں

صہیونی میڈیا نے مزید کہا کہ آج ہم شمالی محاذ پر انتہائی طوفانی دنوں کا مشاہدہ کر رہے ہیں کیونکہ حزب اللہ نے شتولہ، زرعیت اور دیگر علاقوں پر اپنے حملوں کو مرتکز کر دیا ہے۔

دوسری جانب صہیونی فوج نے غزہ کی پٹی کے شمال میں ہونے والی جھڑپوں میں اپنے 2 فوجیوں کی ہلاکت اور 5 کے زخمی ہونے کا اعتراف کیا ہے۔