ویگنر گروپ کا سربراہ ہلاک،وجہ؟

?️ 24 اگست 2023

سچ خبریں: روس کے شمال میں طیارہ گرنے کے نتیجے میں ویگنر گروپ کے کمانڈر پریگوزن سمیت 9 افراد ہلاک ہوگئے۔

الجزیرہ چینل کی رپورٹ کے مطابق شمالی روس میں ایک نجی جیٹ طیارہ گر کر تباہ ہو گیا،میڈیا کے مطابق اس واقعے میں 10 افراد ہلاک ہوئے ہیں۔

یہ بھی پڑھیں: ویگنر کے قریبی روسی کمانڈر کہاں ہیں؟

رشیا ٹوڈے ٹی وی چینل کے مطابق یہ طیارہ ایک نجی جیٹ طیارہ تھا جس کا رجسٹریشن نمبر RA-02795 تھا ، یہ ماسکو سے پرواز کر رہا تھا اور اس میں 10 مسافر سوار تھے، جو تور کے علاقے کے قریب گر کر تباہ ہو گیا۔

رشیا ٹوڈے کی رپورٹ کے مطابق روسی شہری ہوابازی کی تنظیم نے ایک بیان میں اعلان کیا کہ ویگنرکمانڈر پریگوگین طیارے کے ٹکڑے ٹکڑے ہونے والے مسافروں میں سے ایک ہیں۔

روس کی ہنگامی امور کی وزارت کے بیان میں کہا گیا ہے کہ اس طیارے کے حادثے کے پس پردہ واقعات کے بارے میں تحقیقات شروع کردی گئی ہیں، جس میں ویگنر گروپ کے بانی بھی سوار تھے۔

بیان میں مزید کہا گیا ہے کہ ایمبریئر کا نجی تجارتی طیارہ Tver میں گر کر تباہ ہو گیا، جس میں سوار تمام افراد ہلاک ہو گئے، طیارہ ماسکو سے سینٹ پیٹرزبرگ جا رہا تھا،طیارے کے مالک بھی پریگوگین تھے۔

روسی ویب سائٹ ریڈووکا کا کہنا ہے کہ کمانڈر ویگنر کے ساتھ منسلک دوسرا طیارہ ماسکو کے اوپر سے پرواز کر رہا ہے اور اس نے روس کے دارالحکومت کے ہوائی اڈے پر اترنے کی اجازت کی درخواست نہیں کی۔

مزید پڑھیں: سونے کا غلام 

تاہم یہ بھی ممکن ہے کہ پریگوگین نے صرف سکیورٹی وجوہات کی بنا پر مسافروں کی فہرست میں اپنا نام درج کیا ہو لیکن وہ دوسرے جہاز میں سوار ہوئے ہوں، دریں اثناء ماسکو حکام نے ابھی تک پریگوگین کی موت کی تصدیق نہیں کی ہے۔