وینزویلا کا بین الاقوامی فورمز میں غیر قانونی امریکی اقدامات کے خلاف احتجاج 

سچ خبریں: ونزوئلا کی نائب صدر دلسی روڈریگز نے امریکہ کی جانب سے ملکی فضائی حدود کو محدود کرنے کی کوششوں کے خلاف آواز بلند کرتے ہوئے الزام لگایا ہے کہ امریکی حکومت حزب اختلاف کی رہنما ماریا کورینا ماچاڈو کے کہنے پر ونزوئلا کے آسمان کو بلاک کرنے پر تل گئی ہے۔

انہوں نے مزید کہا کہ اس جارحانہ اقدام کے جواب میں، صدر نکولس مادورو نے بیرونِ ملک پھنسے ہوئے وینزویلا کے شہریوں کو واپس لانے اور ملک سے نکلنے کے متبادل راستے پیدا کرنے کے لیے ایک خصوصی منصوبہ نافذ کرنے کا حکم دیا ہے۔

ونزویلا کے اس عہدے دار نے زور دیا کہ کاراکاس اس غیرقانونی اور ناجائز عمل کو فوری طور پر روکنے کے لیے بین الاقوامی قوانین اور تمام کثیرالجہتی طریقہ کار بروئے کار لارہا ہے۔

امریکی صدر ڈونلڈ ٹرمپ نے اعلان کیا ہے کہ آئندہ ہدایات تک ونزوئلا کے اوپر اور اس کے اردگرد تمام فضائی حدود بند کر دی جائیں گی۔

سماجی میڈیا پلیٹ فارم ٹرتھ سوشل پر اپنے ایک پیغام میں، انہوں نے اس جارحانہ اقدام کی توجیہ پیش کرتے ہوئے دعویٰ کیا کہ منشیات اور انسانوں کی سمگلنگ کرنے والوں کو ونزوئلا کی فضائی حدود کو مکمل طور پر بند سمجھنا چاہیے۔