حماس کو غیر مسلح کرنے کی کسی بھی کوشش کا حصہ نہیں بنیں گے:پاکستان

?️ 30 نومبر 2025

سچ خبریں:پاکستان کی وزارت خارجہ نے واضح کیا کہ ہمارا ملک حماس کو غیر مسلح کرنے کی کسی بھی کوشش کا حصہ نہیں بنے گا لیکن غزہ میں بین الاقوامی امن مشن بھیجنے کے لیے تیار ہے،وزیر اعظم شہباز شریف نے فلسطینی عوام کے ساتھ مکمل یکجہتی کا اظہار کیا اور اسرائیلی اشغال کی خاتمے کی ضرورت پر زور دیا۔

پاکستان کی وزارت خارجہ نے کہا ہے کہ اسلام آباد حماس کو غیر مسلح کرنے یا مزاحمتی تحریک کو کمزور کرنے کی کسی بھی کوشش میں شامل نہیں ہوگا، وزارت نے ایک بیان میں واضح کیا کہ پاکستان غزہ میں بین الاقوامی امن مشن کے لیے تیار ہے، تاہم حماس کے خلاف کسی بھی کاروائی میں شرکت نہیں کرے گا۔

یہ بھی پڑھیں:پاکستان فلسطینی ریاست کو تسلیم کرنے کے عالمی فیصلوں کا خیرمقدم کرتا ہے۔ اسحاق ڈار

وزارت خارجہ کے بیان میں کہا گیا کہ پاکستان نے ہمیشہ فلسطینی عوام کے حق خودارادیت کی حمایت کی ہے اور اس کے عزم میں کوئی تبدیلی نہیں آئی،29 نومبر کو فلسطینیوں کے ساتھ عالمی یکجہتی کے دن کے موقع پر پاکستان نے فلسطینی عوام کے ساتھ مکمل حمایت کا اعادہ کیا تھا۔

مزید پڑھیں:پاکستان فلسطینی عوام کی حق خودارادیت اور آزاد فلسطینی ریاست کے قیام کےلئے مکمل حمایت جاری رکھے گا. عاصم افتخار

وزیر اعظم شہباز شریف نے اس موقع پر فلسطینی عوام کے حق میں بیان دیتے ہوئے کہا کہ وہ ایک تباہ کن انسانی المیے کا شکار ہو چکے ہیں، انہوں نے اسرائیلی قبضے کے خاتمے کی ضرورت پر زور دیا اور اسرائیل کو فلسطینیوں کے خلاف جنگی جرائم اور نسل کشی کے لیے بین الاقوامی قوانین کے مطابق جواب دہی کی ضرورت پر بھی بات کی۔