واشنگتن کی نئی رسوائی؛ حزب اللہ سے تعلقات کے بارے میں ٹرمپ کا دعویٰ جھوٹا

سچ خبریں: لبنان کی پارلیمن میں وفاداری برائے مزاحمت نامی پارلیمانی گروپ کے رکن، علی المقداد نے امریکی صدر ڈونلڈ ٹرمپ کے اس دعوے کو سختی سے مسترد کر دیا ہے کہ امریکہ کے حزب اللہ کے ساتھ براہ راست رابطے ہیں۔

واضھ رہے کہ المقداد نے وائٹ ہاؤس کے اس نئے جھوٹ کی پردہ دری کی ہے۔

انہوں نے واضح الفاظ میں کہا کہ نہ تو ٹرمپ اور نہ ہی کسی اور امریکی شخصیت کے ساتھ کوئی براہ راست رابطہ ہے۔ انہوں نے بتایا کہ پیغامات کی ترسیل صرف بالواسطہ طور پر اور ثالثوں کے ذریعے ہوتی ہے، جن میں قطر، سعودی عرب اور مصر جیسے ممالک شامل ہیں۔ یہ ثالث بیروت حکومت اور لبنانی پارلیمنٹ کے اسپیکر نبیہ بری کے ساتھ ان رابطوں کو سنبھالنے کی ذمہ داری نبھاتے ہیں۔

یہ انکشاف اس وقت سامنے آیا ہے جب گزشتہ ہفتے ٹرمپ نے دعویٰ کیا تھا کہ ان کے حزب اللہ اور صہیونی حکومت کے ساتھ براہ راست روابط ہیں اور انہوں نے جنگ بندی پر ان کی رضامندی حاصل کر لی ہے۔

المقداد نے اپنے بیان کے ایک اور حصے میں کہا کہ لبنانی پارلیمنٹ کے اسپیکر بھی واشنگٹن میں اعلان کیے گئے یکطرفہ معاہدے سے شدید حیران اور شاک ہیں، کیونکہ ثالثوں کے ذریعے ہم آہنگی کے باوجود انہیں امریکی حکام سے ایسے نتائج کی توقع نہیں تھی۔