نیٹن یاہو کے سابق حفاظتی دستے کے سربراہ کی فیملی کے رویوں پر قابل توجہ انکشافات

سچ خبریں:اسرائیلی وزیراعظم بنجمن نیٹن یاہو کے سابق حفاظتی دستے کے سربراہ عامی درور نے فیملی کے اندر ہونے والے ناقابل یقین واقعات کا انکشاف کرتے ہوئے اعتراف کیا ہے کہ نیٹن یاہو کے بیٹے یائر نے ایک واقعے کے دوران اپنے والد پر حملہ کیا تھا، جس پر درور نے مداخلت کی اور اس کے بعد یائر مقبوضہ فلسطینی علاقوں سے امریکہ کے شہر میامی چلا گیا۔

درور نے واضح کیا کہ نیٹن یاہو خاندان کے اندر پیش آنے والے واقعات حیرت انگیز اور غیر معمولی ہیں۔ انہوں نے کہا کہ نیٹن یاہو کبھی بھی اخلاقی لحاظ سے قابل احترام شخص نہیں رہا۔ آپ نیٹن یاہو کو اپنا دوست نہیں بنانا چاہیں گے۔

سابق حفاظتی افسر نے وزیراعظم نیٹن یاہو کو اخلاقی طور پر کوڑے دان سے تشبیہ دیتے ہوئے اسرائیلی کابینہ میں ان کی موجودہ سیاسی صورتحال کو خوفناک قرار دیا۔

درور نے مزید کہا کہ میں پہلے بھی واضح کر چکا ہوں کہ نیٹن یاہو کی اہلیہ سارہ کو چوری کرنے کا جنون ہے۔ میں نے ہوٹلوں کے تحائف اور سامان چرائے جاتے دیکھا ہے۔ وہ ایک شیطانی عورت ہے۔

نیٹن یاہو کے مقدمے کے بارے میں پوچھے جانے پر درور نے زور دے کر کہا کہ ہاں، میں انہیں جیل میں دیکھنا چاہتا ہوں۔