نیتن یاہو کو تل ابیب میں بھی سکون کا سانس نصیب نہیں

?️ 5 دسمبر 2023

سچ خبریں: صہیونی قیدیوں کے اہل خانہ نے پیر کے روز ایک بیان میں اعلان کیا کہ اگر قیدیوں کی واپسی کے لیے حماس کے ساتھ مذاکرات میں ان کے مطالبات کو نظر انداز کیا گیا تو وہ کابینہ مخالف وسیع ریلی نکالنے کے لیے تیار ہیں۔

لبنانی اخبار النشرہ کی رپورٹ کے مطابق حماس کے زیر حراست اسرائیلی قیدیوں کے اہل خانہ نے پیر کو تل ابیب میں ایک پریس کانفرنس کی اور بنیامین نیتن یاہو کی جنگ طلب کابینہ کو خبردار کیا کہ اگر جنگ بند نہ ہوئی اور حماس کے ساتھ مذاکرات سے انکار کیا گیا تو وہ وزارت جنگ کے ہیڈ کوارٹر کے سامنے عوامی دھرنا دیں گے۔

یہ بھی پڑھیں: اسرائیلی قیدیوں کے اہلخانہ نے نیتن یاہو سے کیا کہا؟

اپنے بیان میں حماس کے پاس یرغمالیوں کے اہل خانہ نے اس حکومت کے رہنماؤں کو دھمکی دی کہ وہ جنگ کے جاری رہنے میں ان کے مطالبات کو نظرانداز کرنے پر اور اسیروں کی واپسی کے لیے حماس کے ساتھ جنگ ​​بندی مذاکرات نہ کرنے کی صورت میں سخت کاروائی کریں گے۔

اسرائیلی قیدیوں کے اہل خانہ کے بیان میں، جسے ایک پریس کانفرنس میں پڑھا گیا، کہا گیا ہے کہ وہ چاہتے ہیں کہ کابینہ حماس اور دیگر فلسطینی مزاحمتی گروپوں کے زیر حراست 136 اسرائیلی قیدیوں کی رہائی کے لیے ثالثوں کے ذریعے فلسطینی گروپوں کے ساتھ مذاکرات کرے۔

صیہونی اخبار ہارٹیز نے رپورٹ دی ہے کہ اس بیان کے ایک حصے میں کہا گیا ہے کہ ہر دن قیدیوں کا آخری دن ہوسکتا ہے، انہیں وہاں نہیں رہنا چاہیے، ہم ان تمام قیدیوں کی صورتحال کے بارے میں پریشان ہیں۔

اسرائیلی قیدیوں کے اہل خانہ نے اس بات پر زور دیا کہ صہیونی فوج کی طرف سے غزہ پر بمباری دوبارہ شروع ہونے سے صہیونی قیدیوں کو شدید خطرات کا سامنا ہے۔

صہیونی ذرائع ابلاغ کے مطابق، رہا کیے گئے قیدی اور صہیونی قیدیوں کے اہل خانہ نیتن یاہو کی سربراہی میں صہیونی جنگی کونسل کے ارکان سے ملاقات کرنا چاہتے ہیں اور اس بات پر زور دیتے ہیں کہ صیہونی قیدیوں کی زندگیوں کو واضح طور پر خطرہ ہے۔

اسرائیلی جنگ طلب کابینہ کے سربراہان کے نام ایک پیغام میں اسرائیلی قیدیوں کے اہل خانہ نے خبردار کیا ہے کہ اگر آپ نے بلا تاخیر اور کسی بھی قیمت پر مذاکرات کی میز پر واپس نہ آئے تو ہم کابینہ کے خلاف اپنی کارروائیوں میں شدت پیدا کریں گے اور آپ کی بے حسی ایک قابل مذمت اور قابل شرم ہے۔

انہوں نے کہا کہ اگر آپ ہمارے مطالبات کو نظر انداز کرتے ہیں تو ہم قانونی چارہ جوئی کے لیے بین الاقوامی اداروں سے رجوع کریں گے۔

مزید پڑھیں: اسرائیل کو آگ لگا دیں گے؛اسرائیلی قیدیوں کے اہلخانہ

انہوں نے مزید کہا کہ آپ سے بھیک نہیں مانگ رہے ہیں، اگر آپ نے مذاکرات میں ہمارے مطالبے کو نظر انداز کیا تو ہم آج (مقامی وقت کے مطابق) رات 8 بجے سے تل ابیب میں وزارت جنگ کے ہیڈ کوارٹر کے سامنے دھرنا دیں گے۔