?️
سچ خبریں:سابق صیہونی وزیر اعظم بنیامین نیتن یاھو کی جانب سے مشیروں اور ملازمین کی تنخواہوں کی ادائیگی سمیت اپنے ذاتی اخراجات پورا کرنے کے لئے لیکوڈپارٹی سے باضابطہ درخواست کو لے کے ان کے مخالفین اور حامیوں کے درمیان زبانی جھگڑا ہوگیا۔
عبرانی زبان میں شائع ہونے والے صیہونی اخبارمعاریو کی رپورٹ کے مطابق بنیامین نیتن یاھو کی جانب سے مشیروں اور ملازمین کی تنخواہوں کی ادائیگی سمیت اپنے ذاتی اخراجات پورا کرنے کے لئے لیکوڈپارٹی سے باضابطہ درخواست کو لے کر لکوڈپارٹی سیکرٹریٹ میں پارٹی عہدیداروں کے مابین زبردست زبانی تکرار ہوئی جس کے نتیجے میں ان کی درخواست کی مخالفت ہوئی،رپورٹ کے مطابق لیکوڈ پارٹی کے سکریٹری جنرل نے جمعرات کے روز ایک اجلاس طلب کیا تاکہ وہ اسرائیل کے سابق وزیر اعظم اور پارٹی کے رہنما بنیامین نیتن یاہو کے روزمرہ کے اخراجات اور تنخواہوں کو پورا کرنے پر مبنی درخواست پر غور کریں تاہم یہ اجلاس اراکین کے درمیان زبانی جھگڑے اور درخواست کے مسترد کیے جانے پر ختم ہوا۔
رپورٹ کے مطابق بنیامین نیتن یاہو نے درخواست دی تھی کہ غزہ اسٹریٹ پر واقع ان کے اپارٹمنٹ کے اخراجات جس کے تیارہونے کے بعد وہ اس میں نقل مکانی کریں گے، میں پارٹی کی مالی اعانت فراہم کی جائے اور ان کے ملازمین کی تنخواہیں لیکوڈکے خزانے سےادا کی جائیں،انہوں نے پارٹی سے اپنے کے معاونین اور مشیروں کی تنخواہوں کو یقینی بنانے کا مطالبہ کیا،تاہم پارٹی قائدین نے اس کی مخالفت کی ہے۔
ایک باخبر ذرائع نے معاریو کو بتایا کہ نیتن یاہو کے کابینہ تشکیل دینے میں ناکام ہونے کے بعد لیکوڈپارٹی کے خزانے کو دسیوں لاکھ بجٹ کے خسارے کا سامنا کرنا پڑا لہذا اب وہ معمول کے مطابق اور روز مرہ کے اپنے اخراجات پورے کرنے سے قاصر ہے،سیکرٹریٹ نے پارٹی کا چیئرمین منتخب کرنے کے لئے فوری طور پر ضمنی انتخاب کراوانے پر مبنی نیتن یاہو کی درخواست کی بھی مخالفت کی اور کہا ہے کہ نیتن یاہو کے حریفوں کی طرف سے انتخابات کے فوری انعقاد کی مخالفت اور اس کے لئے تیاری کا موقع فراہم کرنے کی درخواست کے باوجود بھی انتخابات ممکن نہیں ہیں۔
ایک باخبر ذرائع نے عبرانی زبان کے اخبار کو بتایا کہ اس وقت بھاری مالی بوجھ کی وجہ سے لیکوڈ پارٹی معاشی مشکلات میں گھری ہوئی ہے جبکہ نیتن یاھو پارٹی کے ممبروں کو اقتدار میں جلد واپسی کے بارے میں اپنے وہم بیچ رہے ہیں جبکہ مستقبل قریب میں ہر شخص اس دعوے سے مایوس ہوگا نیز اس پارٹی سکریٹریٹ کی جانب سے نیتن یاہو کے مطالبات مخالفت ان کی مایوسی کی پہلی علامت ہوسکتی ہے۔
مشہور خبریں۔
غزہ کے دفاع میں ڈنمارک کے عوام کا زبردست مظاہرہ
?️ 20 مارچ 2024سچ خبریں: ڈنمارک کے ہزاروں افراد اس ملک کے دارالحکومت کی سڑکوں
مارچ
نسلہ ٹاور کو رہائشیوں نے خالی کردیا
?️ 1 نومبر 2021کراچی (سچ خبریں) سپریم کورٹ کے احکامات پر نسلہ ٹاورکو مکینوں نے
نومبر
میانمار میں انسانی حقوق کی تباہی، اقوام متحدہ حیران
?️ 11 دسمبر 2021سچ خبریں: اقوام متحدہ کے دفتر برائے رابطہ برائے انسانی امور او
دسمبر
ڈسکوز کی نیپرا سے ایف سی اے کی مد میں فی یونٹ بجلی 30 پیسے سستی کی درخواست
?️ 15 مارچ 2025اسلام آباد: (سچ خبریں) گزشتہ سال کے مقابلے میں فروری میں بجلی
مارچ
بائیڈن اور سعودی عرب کے بادشاہ کے درمیان ٹیلیفونی گفتگو کی تفصیلات
?️ 10 فروری 2022سچ خبریں: امریکی صدر جو بائیڈن اور سعودی فرمانروا سلمان بن عبدالعزیز
فروری
خیبرپختونخواہ میں ہونے والے بلدیاتی انتخابات کے غیر سرکاری نتائج سامنے آگئے
?️ 20 دسمبر 2021پشاور (سچ خبریں) تفصیلات کے مطابق خیبرپختونخواہ میں ہونے والے بلدیاتی انتخابات
دسمبر
وینزویلا کی نظر میں نیتن یاہو کون ہے اور مغربی میڈیا کیا ہے؟
?️ 1 مئی 2024سچ خبریں: وینزویلا کے پارلیمنٹ اسپیکر جارج روڈریگز نے نیتن یاہو کو
مئی
میں جیت جاؤں گا تو تارکین وطن کے ساتھ کیا کرؤں گا؟ ٹرمپ کا اعلان
?️ 14 ستمبر 2024سچ خبریں: امریکی صدارتی انتخابات کے امیدوار اور سابق صدر ونلڈ ٹرمپ
ستمبر