نیتن یاہو اقتدار کی خاطر غزہ کی جنگ ہزار دن تک بھی جاری رہ سکتے ہیں

نیتن یاہو اقتدار کی خاطر غزہ کی جنگ ہزار دن تک بھی جاری رہ سکتے ہیں

اسرائیل میں نیتن یاهو کابینہ کے خلاف احتجاج کی نئی لہر اٹھ کھڑی ہوئی ہے، جبکہ غزہ میں قید اسرائیلی قیدیوں کے اہل خانہ نے خبردار کیا ہے کہ وزیرِاعظم بنیامین نتانیاهو دباؤ سے نکلنے کے لیے قیدیوں کی جانوں کی پرواہ کیے بغیر جنگ کو طول دے رہا ہے۔

رپورٹ کے مطابق، قیدیوں کے اہل خانہ مسلسل احتجاج اور دھرنے دے رہے ہیں اور ایک جامع معاہدے کے ذریعے جنگ کے خاتمے کا مطالبہ کر رہے ہیں۔ ان کا کہنا ہے کہ کابینہ اپنے ذاتی مفادات کے لیے جنگ جاری رکھے ہوئے ہے، بغیر کسی واضح مقصد یا حکمتِ عملی کے۔

اسرائیل کے ایک سرگرم رکن اور قیدیوں کے خاندان سے تعلق رکھنے والے لیشایا میرا لاوی نے ایک بیان میں کہا یہ اب سات سو دن کی جنگ ہے اور صورتحال خطرناک ہے۔ ہمارے پاس ایسے شواہد ہیں کہ نتانیاهو کی کابینہ غزہ میں ایک نئی کارروائی کے ذریعے قیدیوں کو جان بوجھ کر مارنے کی تیاری کر رہی ہے۔ یہ صرف خدشہ نہیں، بلکہ حقیقی انتباہ ہے جو اعلیٰ ذرائع سے ملا ہے۔

انہوں نے مزید کہا کہ نتانیاهو حکومت قیدیوں کے خاندانوں کو مسلسل نظرانداز کر رہی ہے۔ شروع میں وعدے کیے گئے کہ جنگ طویل نہیں ہوگی، لیکن آج سات سو دن گزرنے کے باوجود کوئی پیش رفت نہیں ہوئی۔اب ہم حکومت کے لیے ایک رکاوٹ بن گئے ہیں، ایک شور جو یا تو نظرانداز کیا جاتا ہے یا ہمیں دشمن کے حامی قرار دے دیا جاتا ہے۔

میرا لاوی نے زور دیا کہ کابینہ کے لیے اب اعدادوشمار بے معنی ہیں:چاہے 900 افراد مارے جائیں،48 قیدی باقی رہیں،یا جنگ 700 دن سے بڑھ کر 1000 دن تک پہنچ جائے۔

ان کے مطابق، حکومت ان المیوں کو صرف اعداد میں بدل دیتی ہے تاکہ انہیں اخباری سرخیوں میں سمولیا جا سکے، جبکہ شہریوں اور فوجیوں کی زندگیاں اس کے لیے کوئی اہمیت نہیں رکھتیں۔ اگر ضرورت پڑی تو یہ جنگ ہزار دن تک بھی چلائی جا سکتی ہے۔