میں نیتن یاہو کو مار ڈالوں گا: صیہونی پائلٹ

?️ 6 فروری 2023

سچ خبریں:صیہونی حکومت کے پائلٹ زئیف راز جنہوں نے 1981 میں عراقی جوہری تنصیبات پر اس حکومت کے حملے میں حصہ لیا تھا نے کہا کہ اگر نیتن یاہو اپنے عدالتی اصلاحات کے منصوبوں پر عمل درآمد جاری رکھتے ہیں جو کہ بغاوت ہے تو انہیں کہ قتل کر دیا جانا چاہیے ۔

ریزرو افسر جو نیتن یاہو کی کابینہ کی پالیسیوں کے مخالف ہیں نے مزید کہا کہ اگر وزیر اعظم آمرانہ طاقت حاصل کر لیتے ہیں تو انہیں اور ان کے وزراء کو قتل کر دینا چاہیے۔

نیتن یاہو کی سربراہی میں لیکوڈ پارٹی نے ان بیانات پر ردعمل دیتے ہوئے ایک بیان میں کہا ہے کہ نتن یاہو کے خلاف اشتعال انگیز کارروائیاں جنون کی انتہا ہےوزیر اعظم اور ان کے وزراء کو قتل کرنے کے لیے زئیف راز کی دعوت نے ہمیں چونکا دیا شاباک اور اسرائیلی پولیس کو فوری طور پر انہیں اور دیگر افراد کو گرفتار کرنا چاہیے جو نیتن یاہو کے خلاف اشتعال انگیز کارروائیاں کر رہے ہیں۔

خبر رساں ادارے سما کے مطابق نیتن یاہو کی کابینہ کے خلاف ایسے بیانات کا دائرہ بڑھنے کے بعد اسرائیلی پولیس نے ایک بیان میں اعلان کیا ہے کہ جو کوئی بھی ایسے الفاظ سوشل نیٹ ورک پر شائع کرے گا اس سے پوچھ گچھ کی جائے گی۔

صہیونی پولیس نے اعلان کیا کہ وہ دھمکی آمیز اور اشتعال انگیز اقدامات کو برداشت نہیں کرے گی اور اگر یہ ثابت ہو گیا کہ کسی شخص نے جرم کیا ہے تو اس کے خلاف فردی جرم عائد کیا جائے گا۔